Phatlalatsa ’Nete e Mabapi le Jesu ka Cheseho

Re cheseha le ho feta ha re bolella batho ba bang ’nete e mabapi le Jesu. Jesu ke lejoe la sekhutlo la motheo leo tumelo ea ’nete e hahiloeng ho lona. (Baef. 2:20) Re ne re ke ke ra ba le tšepo ea ho phela ntle ho eena. (Lik. 4:12) Kahoo, ke habohlokoa hore bohle ba tsebe boemo ba Jesu morerong oa Molimo. Batho ba bangata ba thetsitsoe ke lithuto tseo e seng tsa Bibele. Ka masoabi, ho ka etsahala hore ba se ke ba fumana litlhohonolofatso tseo Molimo a li tšepisang ba lumelang ho Jesu. Ha re chesehela ’nete, seo se tla re susumelletsa hore re thuse batho ba thahasellang ho mamela litaba tse molemo hore ba be le tsebo e nepahetseng ka Jesu le karolo eo a e phethang morerong oa Molimo. Na u tla chesehela ho phatlalatsa ’nete mabapi le Jesu nakong ea Sehopotso?