Nka ba Pula-Maliboho e Thusang Neng Hape?

Pono ea Ezekiele ea tempele e bontša hore batho ba Jehova ba ne ba tla fana ka menehelo ka boithatelo. Ke joang rona re ka fanang ka menehelo ea thoriso?​—Baheb 13:15, 16

Tsela e ’ngoe ke ka ho ba pula-maliboho e thusang. Selemo sa tšebeletso sa 2018 se na le likhoeli tse ngata tse nang le mafelo beke a mahlano. Mafelo-beke ana a ’maloa a tla thusa ba sebetsang hore ba be le nako e eketsehileng tšebeletsong ea tšimo. Hape, bahoeletsi ba ka khetha ho etsa lihora tse 30 kapa tse 50 ka khoeli ea March le April, le ka khoeli eo molebeli oa potoloho a tla beng a etetse phutheho ka eona.

Ke eng seo re ka se etsang haeba maemo a rona a sa re lumelle ho ba bo-pula-maliboho ba thusang? Mohlomong re ka leka ho eketsa lihora tsa rona tšebeletsong ea tšimo ra ba ra ntlafatsa tsela ea rona ea ho ruta. Ho sa tsotellehe maemo a rona, e se eka lerato la rona ho Jehova le ka re susumelletsa ho mo fa sohle seo re ka se khonang selemong sa tšebeletso sa 2018.​—Hos. 14:2.

SHEBELLANG VIDEO EA JEHOVA A KA NTHUSA HO ETSA ENG KAPA ENG, EBE LE ARABELA LIPOTSO TSE LATELANG:

• Ke eng e thusitseng Sabina ho eketsa nako ea hae tšebeletsong ea Jehova?

• Mohlala oa Sabina o u khothatsa joang?

• Selemong sa tšebeletso sa 2018, u tla sebeletsa u le pula-maliboho ea thusang likhoeling life?