Sehopotso​—Labohlano la la 3 April, 2015

KA Moqebelo oa la 7 March, 2015, liphutheho lefatšeng lohle li ile tsa kena letšolong la libeke tse ’nè la ho memela batho ba bangata kamoo ho ka khonehang hore ba tl’o ba le rōna ha re ikhopotsa lefu la Jesu Kreste le ho tla mamela puo e hlalosang hore na lefu la Jesu le re tsoela molemo joang. Batho ba bang ba ile ba fuoa limemo ka ho toba, ba bang ba letsetsoa ’me ba bang ba li romelloa ka poso. Ebe ho ne ho tla tla batho ba bakae? Ka sebele Lipaki Tsa Jehova li ile tsa thaba ka Labohlano leo la la 3 April ha li amohela batho ba 19 862 783 ketsahalong eo ea bohlokoa. Hona joale re leka ka matla ho thusa batho ba bileng teng sehopotsong hore ba rapele Molimo oa ’nete hammoho le rōna le hore ba fumane lerato le tlhohonolofatso ea hae.—Mik. 4:2.