U Nahana Hore Bokamoso bo Tla ba Joang?

BIBELE EONA E RE’NG?

“Molimo . . . o tla hlakola meokho eohle ea bona. Lefu ha le sa tla hlola le e-ba teng. Masoabi, ho bokolla kapa bohloko le tsona ha li sa tla hlola li e-ba teng. Lintho tse neng li etsahala pele li fetile.”—Tšenolo 21:3, 4, Bibele—Phetolelo ea Lefatše le Lecha.

HO TSEBA SEE HO KA U THUSA JOANG?

U ka ba le mosebetsi o thabisang le o khotsofatsang.—Esaia 65:21-23.

U ka phela u sa kule ebile ho se na lintho tse utloisang bohloko.—Esaia 25:8; 33:24.

U ka phela ka ho sa feleng le ba lelapa le metsoalle le thabile.—Pesaleme ea 37:11, 29.

NA RE KA LUMELA SEO BIBELE E SE BUANG?

E, bonyane ka mabaka a mabeli:

• Molimo o na le matla a ho phethahatsa seo a se tšepisitseng. Ka Bibeleng, Jehova Molimo ke eena feela ea bitsoang “ea Matla ’Ohle,” kaha o na le matla a sa lekanyetsoang. (Tšenolo 15:3) Ka hona o na le matla a ho phethahatsa tšepiso ea hae ea ho ntlafatsa lefatše. Joalokaha Bibele e bolela, “lintho tsohle lia khoneha ho Molimo.”—Matheu 19:26.

• Molimo o labalabela ho phethahatsa seo a se tšepisitseng. Ka mohlala, Jehova o tla hopola ho tsosa bafu.—Jobo 14:14, 15.

  Bibele e boetse e bontša hore Jesu, Mor’a Molimo, o ile a folisa batho ba kulang. Ke hobane’ng ha a ile a etsa joalo? Ke hobane o ne a batla ho ba thusa. (Mareka 1:40, 41) Jesu o ile a bonahatsa ka ho phethahetseng botho ba Ntate oa hae ka takatso eo a neng a e-na le eona ea ho thusa batho ba hlokang thuso.—Johanne 14:9.

  Kahoo re ka kholiseha hore Jehova le Jesu ba batla ho re thusa hore re thabele bokamoso.—Pesaleme ea 72:12-14; 145:16; 2 Petrose 3:9.