Lebokose la Lipotso

◼ Ke joang molebeli oa tšebeletso a ka hlokomelang mosebetsi oa bahlanka ba sebeletsang ba ikarabellang mafapheng a libuka le limakasine?

Thahasello ea molebeli oa tšebeletso ha ea lekanyetsoa tabeng ea ho etela lihlopha tsa thuto ea buka khoeli le khoeli le ho hlophisa liboka tsa tšebeletso ea tšimo. Moena enoa ea chesehang o thahasella haholo ntho e ’ngoe le e ’ngoe e ka amang tsoelo-pele ea mosebetsi oa boboleli tšimong e abetsoeng phutheho.

O tla tiisa hore khoeling e ’ngoe le e ’ngoe ho na le libuka le limakasine tsa phutuho le hore li boemong bo botle. E le hore a etse sena o hlokomela boikarabelo bo bongata ba bahlanka ba sebeletsang ba abetsoeng ho hlokomela mafapha a libuka le limakasine.

Molebeli oa tšebeletso o lebisa tlhokomelo e khethehileng ho litsebiso tse buang ka phutuho e tlang ea libuka ha e hlaha ho Tšebeletso ea Rōna ea ’Muso. Eena hammoho le moena ea hlokomelang mosebetsi oa libuka ba sebetsa ’moho ho tiisa hore ho na le libuka tse lekaneng tse tla sebelisoa, empa ba lokela ho ela hloko hore ba se ke ba odora tse ngata haholo. Haeba khatiso e tla sebelisoa ka lekhetlo la pele tšimong kapa haeba haufinyane e tla ithutoa phuthehong, ba lokela ho nahanela maemo ana ha ba etsa odoro ho Mokhatlo. Haeba ho se ho ile ha tsamaisoa libuka tseo, tlaleho ea phutheho ea tšebeletso ea tšimo phutuhong e fetileng e tla bontša hore na libuka tse teng li lekane kapa che. Ha e le hantle, ba tlameha ho nahanela lintho tse kang palo ea bahoeletsi ba tla sebeletsa e le bo-pula-maliboho ba thusang khoeling eo haesita le keketseho e teng lenaneng la bahoeletsi le bo-pula-maliboho ba ka mehla ho tloha ka mor’a ho tsamaisa libuka tseo lekhetlong le fetileng. Libuka li tlameha ho fumaneha pele le ka mor’a liboka tsa phutheho. Mabokose a libuka a lokela ho bolokoa sebakeng se hloekileng, le se ommeng ’me a pakoe ka tsela e tla etsa hore li se ke tsa senyeha.

Molebeli oa tšebeletso o tla boetse a sebelisane le moena ea hlokomelang lefapha la limakasine. Nako le nako, molebeli oa tšebeletso le moena ea hlokomelang limakasine ba lokela ho bapisa palo ea limakasine tse odoroang ka khoeli le palo ea limakasine tse tsamaisoang tšebeletsong. Ho ka etsahala hore bahoeletsi ba bang ba lokela ho fokotsa odoro ea bona ea botho ea limakasine haeba li bokellana ka mehla malapeng a bona. Limakasine ha lia tlameha ho senngoa.

A nahanne ka litekanyetso tse tšoanang, molebeli oa tšebeletso o lokela ho hlahloba ka boeena palo ea libuka tsa phutuho eo phutheho e e odorang foromong ea Literature Order (S-AB-14). Joale o tla isa foromo ho mongoli oa phutheho, eo ka hloko a tla hlahloba foromo eohle, a hlokometse haholo-holo palo ea lintho tsa setoko se laoloang tse thathamisitsoeng.

Ha e le hantle, ho na le mosebetsi o mongata oa ho boloka litlaleho o amehang bakeng sa ho hlokomela mafapha a libuka le limakasine ka ho loketseng. Haeba baena ba abetsoeng ho sebetsa mafapheng ana ba e-na le lipotso mabapi le kamoo ba ka sebelisang liforomo le ho boloka litlaleho, mongoli o tla thabela ho ba thusa tšobotsing ena ea mosebetsi oa bona.