Likhopotso Tsa Sehopotso

Mokete oa Sehopotso selemong sena o ka Laboraro la la 16 April. Baholo ba lokela ho ela hloko lintlha tse latelang:

◼ Ha le beha nako ea seboka, etsang bonnete ba hore litšoantšetso ha li fetisoe ho fihlela letsatsi le liketse.

◼ E mong le e mong, ho akarelletsa le sebui, o lokela ho tsebisoa nako e nepahetseng le sebaka seo mokete o tla tšoareloa ho sona.

◼ Mofuta o nepahetseng oa bohobe le veine o lokela ho fumanoa ’me o lokisoe.—Bona Molula-Qhooa oa February 15, 1985, leqepheng la 19.

◼ Lipoleiti, likhalase le tafole e loketseng le lesela la tafole li lokela ho tlisoa holong ’me li behoe moo li loketseng pele ho nako.

◼ Holo ea ’Muso kapa sebaka se seng seo ho tla tšoareloa seboka ho sona li lokela ho hloekisoa hantle pele ho nako.

◼ Bahlokomeli le ba tla fetisa litšoantšetso ba lokela ho khethoa le ho fuoa litaelo esale pele ka mesebetsi ea bona, tsamaiso e nepahetseng le hore ho hlokahala moaparo le boitlhopho tse hlomphehang.

◼ Ho lokela hore ho etsoe litokisetso tsa ho isa litšoantšetso ho leha e le ofe oa batlotsuoa ea kulang ’me a sa khone ho ba teng.

◼ Haeba motho ea khaotsoeng a e-ja litšoantšetso ha aa lokela ho baloa e le ea jeleng, empa a ka baloa e le e mong oa bamameli.—Bona Molula-Qhooa oa February 1, 1976, leqepheng la 54.

◼ Haeba ho lokiselitsoe hore Holo ea ’Muso e sebelisoe ke liphutheho tse fetang e le ’ngoe, liphutheho tseo li lokela ho sebelisana hantle e le hore li ka qoba tšubuhlellano e sa hlokahaleng liphasejeng kapa monyako, litseleng le moo ho pakoang likoloi teng. Moo ho khonehang ho molemo hore mekete ena e siane ka metsotso e 45.