Tsela ea ho Buella Limakasine

Molula-Qhooa May 15

“Kamehla re utloa litlaleho tsa pefo. Na u nahana hore ho kile ha e-ba le maemo a joalo? [Emela karabo.] Hlokomela seo Bibele e se buang. [Bala Matheu 24:37.] Mehla ea Noe e ne e le mebe hoo Molimo a ileng a felisa batho bohle haese Noe le lelapa la hae. Makasine ena e bontša seo liketsahalo tseo li se bolelang ho rōna kajeno.”

Molula-Qhooa June 1

“Litlaleho tsa tšebeliso e mpe ea chelete e nehetsoeng li etsa hore ba bang ba ipotse hore na ho nehela mekhatlong e thusang ba hlokang ke ntho e bohlale. Leha ho le joalo, ho na le batho ba bangata ba hlokang. U nahana hore ho ka etsoa’ng? [Emela karabo. Ebe u bala Baheberu 13:16.] Makasine ena e hlalosa hore na Molimo o khahlisoa ke ho fana ha mofuta ofe.”

Tsoha! June 8

“Kamoo ho bonahalang kateng, kajeno batho ha ba nke boitšoaro le mekhoa e metle e le tsa bohlokoa joalokaha ba ne ba etsa lilemong tse ngata tse fetileng. Na u hlokometse hore seo ke ’nete? [Emela karabo.] Hoa thahasellisa hore ebe Bibele e boletse sena esale pele. [Bala 2 Timothea 3:1-5.] Tsoha! ena e tšohla lebaka leo ka lona litekanyetso tsa batho li fetohang le seo bokamoso bo se tšoereng.”

Nehelano e ’ngoe: “Kajeno, lefu le bakoang ke likokoanyana ke e ’ngoe ea likotsi tse sokelang bophelo ba rōna bo botle. Na u ne u tseba hore ho na le mehato eo re ka e nkang ho itšireletsa? [Emela karabo.] Makasine ena e tšohla mehato ena, esita le tšepiso ea Bibele ea nako eo ka eona ho ke keng ha hlola ho e-ba le ho kula.” Phetha ka ho bala Esaia 33:24.