Tsela ea ho Buella Limakasine

Molula-Qhooa October 1

“Kajeno batho ba bangata ba feletsoe ke tumelo ho ’Mōpi. U bona eka lebaka le lefe? [Emela karabo.] Mohlomong re ka fumana lebaka le leng litemaneng tsena. [Bala Habakuke 1:2, 3.] Sehlooho sena se araba tse ling tsa lipotso tseo batho ba atisang ho ipotsa tsona ka Molimo tse entseng hore ba se hlole ba lumela ho eena.” Buella sehlooho se qalang leqepheng la 11.

Tsoha! October

“Ke tšepa hore ua hlokomela hore kajeno malapa a na le mathata a mangata. [Emela hore a ntše maikutlo a hae.] Batho ba bangata ha ba tsebe hore Bibele e fana ka keletso e bohlale. Ka mohlala, . . . [Bala lengolo le leng le hlahang makasineng.] Tsoha! ena e khethehileng e bontša kamoo melao ea Bibele e ka thusang malapa hore a atlehe ho sebetsana le maemo a sa tšoaneng.”

Molula-Qhooa November 1

“U ikutloa joang ka lithuto tsa likereke, na kaofela ha tsona li tsoa ka Bibeleng? [Emela karabo.] Bibele e re re be hlokolosi esere ra thetsoa ka lithuto tsa bohata. [Bala Bakolose 2:8.] Makasine ena e senola lithuto tse tloaelehileng tse tšeletseng tse sa lumellaneng le Lentsoe la Molimo.”

Tsoha! November

“Batho ba se ba tloaetse lintho tse kang selefouno le k’homphieutha. Na u bona eka tsela eo batho ba sebelisang thepa ea theknoloji ka eona e baballa nako kapa ea e senya? [Emela karabo.] Batho ba bangata ba lumellana le keletso ena e re khothalletsang ho sebelisa nako ka bohlale. [Bala Baefese 5:15, 16.] Makasine ena e bontša hore na re ka sebelisa thepa ea theknoloji joang ka tsela e leka-lekaneng le e nahanelang batho ba bang.”