Na U ka ea le Bona Tšimong?

Liphuthehong tse ngata ho na le bahoeletsi ba etsang ho honyenyane tšebeletsong ka lebaka la ho kula kapa botsofali. (2 Bakor. 4:16) Na u ka kōpa mohoeletsi ea boemong bo joalo ho ea le uena ho motho eo u ithutang Bibele le eena? Haeba ha a khone ho tsamaea, mohlomong u ka khannela thuto lelapeng la hae. Na ka linako tse ling u ka ea le mohoeletsi ea fokolloang ke bophelo tšimong ’me le sebetse matlo a seng makae kapa le etse maeto a ho boela a seng makae? Bahoeletsi ba bangata ba hōlileng ba na le phihlelo. Kahoo, boiteko boo u bo etsang bo ke ke ba khothatsa bona feela empa le uena bo tla u khothatsa. (Bar. 1:12) Ho ekelletsa moo, Jehova o tla u putsa ha u etsa boiteko ba ho bontša lerato ka tsela ena.—Liprov. 19:17; 1 Joh. 3:17, 18.