Kemiso ea Bopula-maliboho ba Kamehla

Pula-maliboho ea kamehla e atleha ha e na le kemiso e ntle. Haeba u qeta lihora tse 18 ka beke mosebetsing oa ho bolela, u ka ba pula-maliboho ua ’na ua ba le nako ea ho phomola! Kemiso e joalo e ka u thusa ho sebetsa lihora tse lekaneng le haeba ho hlaha maemo a ka u sitisang, a kang ho kula kapa boemo bo bobe ba leholimo. Chate ena e ka tlaase e fana ka mehlala ea hore na bahoeletsi ba sebetsang ka matsatsi a mang a beke, ba sebetsang beke kaofela, ba kulang kapa ba haelloang ke matla ba ka sebelisa nako hamolemo joang hore ba khone ho sebetsa lihora tsa khoeli. Mohlomong le ka lokisetsa hore setho se seng sa lelapa la lōna se qale bopula-maliboho ka September. Le ka buisana ka taba ena borapeling ba lelapa.