Ho Ntlafatsa Bokhoni Ba Rona Boboleling Ho Pakela Motho e Mong le e Mong ea Tšimong ea Rona

KE HOBANE’NG HA HO LE BOHLOKOA: Zakaria  o ile a boprofeta hore batho ba tsoang lipuong le lichabeng tsohle ba tla amohela litaba tse molemo. (Zak 8: 23) Empa ke mang ea tla ba ruta tsona? (Bar 10:13-15) Re fuoe boikarabelo ba ho bolella motho e mong le e mong ea tšimong ea rona litaba tse molemo.—od 84 ¶10-11.

KAMOO RE KA HO ETSANG KA TENG:

• Lokisetsa. Na u ee u kopane le batho ba lipuo tse ling? U ka sebelisa JW Language app ho u thusa ho qalisa moqoqo. Mohlomong u ka sebelisa fono e nang le Inthanete ho mo bontša hore na a ka ithuta ka ho eketsehileng joang websiteng ea jw.org ka puo ea hae

• Lula u le malala-a-laotsoe. Le hoja u le tšebeletsong ea ntlo le ntlo, bua le batho bao u kopanang le bona tseleng kapa bao u bonang ba phomotse ka likoloing tse pakiloeng. Ha u etsa bopaki ba phatlalatsa, kelello ea hao e lokela ho tsepama mosebetsing oa boboleli feela

• Leka matsapa ’ohle. Leka ho buisana le batho bao ho leng thata ho ba fumana malapeng. Ka linako tse ling u ka fetola nako eo u etsang mosebetsi oa boboleli ka eona, mohlomong u ka etsa bopaki ba mantsiboea kapa oa fetola matsatsi ao u eang tšebeletsong ea tšimo ka ’ona. Re ka pakela ba bang ka ho ba ngolla mangolo, ka ho ba letsetsa le ho ba pakela ha re kopana le bona

• Khutlela ho motho eo u buileng le eena. Haeba motho a bua puo eo u sa e tsebeng, batla motho ea buang puo ea habo hore a mo thuse. U ka boela oa mo letsetsa nako le nako ho fihlela a fumane mohoeletsi ea tla ithuta le eena.—od 94 ¶39-40

SHEBELLA VIDEO EA HO BOLELA LITABA TSE MOLEMO HO ISA “KAROLONG E HOLE-HOLE EA LEFATŠE,” EBE U HLAHLOBA LIPOTSO TSE LATELANG:

• 

  Ke lintho life tseo bara le barali babo rona ba ileng ba li etsa ho itokisetsa ho pakela batho tšimong e ka thoko? (1 Bakor. 9:22, 23)

• 

  Ba bile le mathata afe?

• 

  Ke melemo efe eo ba ileng ba e fumana?

• Ke lintho life tseo u ka li etsang ho pakela batho ba bangata sebakeng sa heno?