ʼMuso oa Molimo o Tla Etsa’ng?

Karabo ea Bibele

ʼMuso oa Molimo o tla nka sebaka sa mebuso eohle ea batho ebe o busa lefatše kaofela. (Daniele 2:44) Hang ha seo se etsahala, ʼMuso oa Molimo o tla . . .

• Felisa ba khopo, ba re lematsang ka boithati ba bona. “Ha e le ba khopo, ba tla felisoa lefatšeng.”—Liproverbia 2:22.

• Felisa lintoa tsohle. “[Molimo] o felisa lintoa ho isa pheletsong ea lefatše.”—Pesaleme ea 46:9.

• Tlisa nala le tšireletseho lefatšeng. “Ba tla lula e mong le e mong ka tlas’a feie ea hae le ka tlas’a morara oa hae, ho se ea ba tšosang.”—Mikea 4:4, Bibele ea Sesotho.

• Etsa lefatše paradeise. “Lehoatata le letsoatlare li tla thaba, lefeella le nyakalle, palesa li thunye.”—Esaia 35:1, Bibele—Phetolelo e Ncha.

• Tlisetsa bohle mosebetsi o motle, o thabisang. “Bakhethoa ba [Molimo] ba tla sebelisa mosebetsi oa matsoho a bona ka botlalo. Ba ke ke ba sehlela lefeela.”—Esaia 65:21-23.

• Felisa maloetse. “Ha ho moahi ea tla re: ‘Kea kula.’”—Esaia 33:24.

• Re lokolla botsofaling. “Nama ea hae e ke e nchafale ho feta bocheng; a ke a khutlele matsatsing a mahlahahlaha a hae a bocha.”—Jobo 33:25.

• Tsosa bafu. “Bohle ba mabitleng a khopotso ba tla utloa lentsoe la [Jesu] ’me ba tsoe.”—Johanne 5:28, 29.