“Kinakuvuta Karibu na Kristo”

HAYO ni maneno ambayo yamesemwa na watu wengi juu ya kitabu kilichotangazwa na Mashahidi wa Yehova hivi karibuni, Yule Mtu Mkuu Zaidi Aliyepata Kuishi. Mwanamke mmoja kutoka Ufaransa alionelea hivi: “Ingawa nimekuwa nikithamini sana vichapo vya Watch Tower Society wakati wote, hakujapata kuwapo wakati ambapo kitabu kimekuwa na uvutano mkubwa kama huu.” Katika barua aliyoandikia ofisi ya tawi ya sosaiti katika Ufaransa, alieleza hivi:

“Masimulizi hayo ya maisha yote ya Kristo yalinifanya nipende utu wake wenye kuvutia hata zaidi. Niligundua pia mambo muhimu ya maisha yake, hata ingawa nimesoma yale masimulizi ya Gospeli mara kadhaa. Katika kurasa zote za kitabu hicho, tunaishi katika zile nyakati zote ambazo Kristo aliishi, tukimwona kuwa mwenye huruma na mpole, na bado akiwa mwenye utu wa kiume na mwenye uthabiti.

“Sura za mwisho hasa zinagusa sana moyo. Nilifikia mahali ambapo nisingeweza kuzuia machozi yasitoke nikifikiria kwamba kiumbe kikuu zaidi katika ulimwengu wote mzima aliteseka kwa hiari mikononi mwa mawakili waovu wa Ibilisi. Ni mfano wenye nguvu kama nini! Ni lazima niseme kwamba sasa ninahisi nikiwa karibu zaidi na ‘Baba [yetu] wa milele,’ naam, Mfalme wetu anayetawala.”—Isaya 9:6.

Mashahidi wa Yehova ni tengenezo la kimataifa lenye wanafunzi wa Biblia zaidi ya milioni nne, wote ambao wamesadiki kwamba Yesu Kristo si tu mtu mkuu zaidi aliyepata kuishi bali pia ndiye njia ambayo kupitia hiyo wanadamu wanaweza kupokea uhai wa milele.—Matendo 4:12.

Ikiwa ungependa kupata habari zaidi au funzo la Biblia nyumbani bila malipo, tafadhali andikia I.B.S.A., Box 47788, Nairobi, Kenya, au tumia anwani ifaayo iliyoorodheshwa kwenye ukurasa wa 5.