Uthamini kwa Amkeni!
BARUA mia kadhaa zimepokewa zikiwa uthamini kwa ajili ya toleo la Amkeni! la Agosti 22, 1992, (Kiingereza), lililokuwa na habari “Ugonjwa wa Uchovu wa Daima—Namna ya Kuushughulikia.” Kiangazi kilichopita, daktari wa tiba kutoka Tennessee, U.S.A., aliandika hivi:
“Katika Agosti 22 na 23, nilitoa onyesho kwa vikundi viwili kusini mwa Kalifornia. Kichwa cha habari yangu: Ugonjwa wa Uchovu wa Daima.
“Mmoja wa watu waliohudhuria mkutano wa Pasadena alinipatia nakala ya Amkeni! ya Agosti 22, 1992 na nimesoma na nikarudia habari kuu. Ninaandika kuwapongeza kwa uandikaji wenu uliokuwa bora sana wa ugonjwa huo ambao bado ni fumbo na ambao mara nyingi unaeleweka vibaya. Ilikuwa makala bora zaidi ambayo nimepata kusoma juu ya habari hiyo—na nimesoma nyingi sana.”
Mnamo Oktoba, mmoja wa Mashahidi wa Yehova kutoka Illinois, U.S.A., ambaye anaugua ugonjwa huo, alieleza hivi: “Naam, asubuhi hii, nimeangusha magazeti 319 yenye makala za ugonjwa wa uchovu wa kudumu. Niliyaangushia wauzaji-dawa, makarani wa maduka ya vyakula vya afya, wafanyakazi wa benki za damu, wauguzi, na wafanyakazi wa maktaba ya kitiba.
“Vikundi vya kitiba vilichukua nakala nyingi kwa ajili ya madaktari. Wafanyakazi niliosema nao walisema kwamba wangehakikisha kwamba madaktari walipata nakala zao. Wengine hata waliomba nambari za simu yangu iwapo wangehitaji magazeti mengine zaidi.”
Mashahidi wa Yehova, wanaojumlika kuwa tengenezo la kimataifa lenye wanafunzi wa Biblia zaidi ya milioni nne, ndio watangazaji wa Amkeni! Gazeti hilo hufanya mengi zaidi ya kuonyesha wasomaji namna ya kushughulika na matatizo ya siku hizi. Linajenga pia uhakika katika ahadi ya Muumba ya ulimwengu mpya wenye amani na usalama. Mashahidi wa Yehova wamejitoa kusaidia watu wajifunze zaidi kuhusu makusudi ya Mungu.
Ikiwa ungependa kupata habari zaidi au funzo la Biblia nyumbani bila malipo, tafadhali andikia I.B.S.A., Box 47788, Nairobi, Kenya, au tumia anwani ifaayo iliyoorodheshwa kwenye ukurasa 5.
[Picha katika ukurasa wa 32]
Awake!
Chronic Fatigue Syndrome
How to Deal With It