Hazina Katika Takataka

Hazina hiyo ndiyo mtu mmoja katika Hungaria alihisi alikuwa amepata. Aliandikia Mashahidi wa Yehova akaeleza hivi:

“Ningependa kuomba tengenezo lenu jambo fulani. Ningependa kuagiza kutoka kwenu Mnara wa Mlinzi Unaotangaza Ufalme wa Yehova na kile kitabu Unaweza Kuishi Milele Katika Paradiso Duniani.

“Acheni nieleze sababu ya ombi langu. Katika jiji langu mimi hufanya kazi na lori la kuzoa takataka ambapo nilipata gazeti hilo. Nililisafisha nikalipeleka nyumbani. Nilijifunza gazeti hilo nyumbani pamoja na familia yangu. Tungependa kuongezea ujuzi wetu kidogo. Kwa hiyo, twawaomba mtuelewe na kutusaidia.”

Mashahidi wa Yehova hufurahia kuitikia maombi hayo ya fasihi ya Biblia na ya msaada wa kupata ujuzi mzuri zaidi wa Biblia. Kwa hiyo, ikiwa wewe ungependa kupata nakala ya Mnara wa Mlinzi au ungependa mtu fulani akutembelee nyumbani na kuzungumza na wewe lile tumaini lenye msingi wa Biblia litolewalo katika kitabu Unaweza Kuishi Milele Katika Paradiso Duniani, tafadhali andikia I.B.S.A., Box 47788, Nairobi, Kenya, au anwani ifaayo iliyoorodheshwa kwenye ukurasa 5.