“Kumtafuta Msanii Mkuu Kuliko Wote”

Hicho kilikuwa kichwa cha Amkeni! la Novemba 8, 1995. Habari hiyo ilitokeza itikio zuri kutoka kwa wasomaji ulimwenguni kote.

Amang aliandika kutoka Douala, Kamerun: “Makala hizo zilikuwa na uvutano sana kwangu kwa sababu ninapenda sanaa, hasa kuchora. Sasa ninajua kwamba kuna Msanii mkuu kuliko Van Gogh, Rembrandt, Da Vinci, na wengine—si mwingine ila Yehova Mungu mwenyewe.”

Kutoka St. Barthélemy, katika French West Indies, Frederick alisema: “Nilisoma makala hiyo mara nne, na kila wakati nilijawa na shukrani kwa vitu maridadi ambavyo Muumba wetu alitupatia.”

Assunta aliandika kutoka Italia: “Iliniamsha tamaa ya kuchora. Ilizidisha shauku yangu kwa ulimwengu mpya wa Mungu.” Na Irena, kutoka Jamhuri ya Cheki, alisema: “Tutembeleapo majumba ya kuhifadhi vitu vya kale, twalazimika kulipa ili kuona kazi za sanaa, wakati Muumba wa umaridadi wote wa asili hutupatia huo bure, kila siku.” Aline aliandika kutoka Brazili: “Ingawa mara nyingi sisi huwa na makala za kutusaidia kuthamini utu wa Yehova, makala hizi ziligusa moyo wangu. Zilitoa maelezo mengi kuhusu uumbaji ambayo yalichochea uthamini wetu kwa upendo wa Yehova.”

Kutoka baridi ya kipupwe ya Wisconsin, Marekani, Anne aliandika: “Kwelikweli ilinisaidia kuthamini umaridadi wa uumbaji. Nyakati nyingine ni vigumu kuona umaridadi katika kipupwe. Siku niliyosoma makala hiyo, nilienda nje na kuona theluji kwenye tawi, jani lililofunikwa barafu, alama za mnyama katika theluji. Asante kwa mara nyingine kwa kikumbusha cha jinsi tuwezavyo kuthamini ‘Msanii Mkuu Kuliko Wote,’ Yehova Mungu.”

Ikiwa ungependa kupokea gazeti hili kwa ukawaida, tafadhali wasiliana na Mashahidi wa Yehova katika ujirani wako au andika ukitumia anwani iliyo karibu zaidi iliyoorodheshwa katika ukurasa 5.