“Chakuvuta Karibu na Kristo”

WENGI wamesema maneno hayo kuhusu kitabu ambacho kilichapishwa majuzi na Mashahidi wa Yehova, Yule Mtu Mkuu Zaidi Aliyepata Kuishi. Mwanamke mmoja kutoka Ufaransa alisema: “Ingawa sikuzote nimethamini sana vichapo vya Watch Tower Society, hakuna kitabu ambacho kimepata kuwa na uvutano mkubwa zaidi juu yangu kama hiki.” Katika barua aliyoandikia ofisi ya tawi ya Sosaiti katika Ufaransa, yeye alieleza:

“Wasifu huu wenye mambo mengi juu ya Kristo ulinifanya nipende hata zaidi utu wake wenye kuvutia. Pia niligundua mambo muhimu ya maisha yake, hata ingawa tayari nimesoma masimulizi ya Gospeli mara kadhaa. Katika kurasa zote za kitabu hicho, twaishi zile pindi zenye mahangaiko ambazo Kristo aliishi, tukimpata kuwa mwenye huruma-nyororo na mpole, lakini akiwa pia mwenye kutenda kiume na thabiti.

“Sura za mwisho hasa zinagusa moyo sana. Nilifikia hatua ambapo singeweza kuzuia machozi nikifikiria kwamba kiumbe muhimu zaidi katika ulimwengu wote mzima aliteseka kwa hiari mikononi mwa watu waovu wa Ibilisi. Hicho ni kielelezo kizuri kama nini! Ni lazima niseme kwamba sasa nahisi nikiwa karibu zaidi na ‘Baba [yetu] wa milele,’ ndiyo, Mfalme wetu anayetawala.”—Isaya 9:6.

Mashahidi wa Yehova ni tengenezo la kimataifa lenye wanafunzi wa Biblia zaidi ya milioni tano, wote wakiwa wamesadiki kwamba Yesu Kristo si mtu mkuu zaidi aliyepata kuishi tu bali pia ndiye njia ya pekee ambayo wanadamu wanaweza kupata uhai udumuo milele.—Matendo 4:12.

Ikiwa ungependa kupata habari zaidi au kuwa na funzo la Biblia nyumbani bila malipo, tafadhali andikia I.B.S.A., P. O. Box 47788, Nairobi, Kenya, au tumia anwani ihusuyo iliyoorodheshwa kwenye ukurasa wa 5.