Kiliwachochea Kuhubiri

Khabarovsk, jiji lenye watu 700,000 katika Mashariki ya Mbali ya Urusi, lina makutaniko mengi ya Mashahidi wa Yehova. Wanawake wawili wanaoishi katika kijiji kisichokuwa mbali walipata nakala ya kitabu Unaweza Kuishi Milele Katika Paradiso Duniani. Hata hivyo Mashahidi katika Khabarovsk, hawakuweza kuwatembelea katika kijiji chao.

Kwa hiyo wanawake hao, katika njia bora walizojua, walianza kujifunza pamoja kitabu hiki na Biblia. Baada ya kumaliza, waliamua kwamba lilikuwa jambo la maana kueleza wengine juu ya yale waliyojifunza, kama vile Wakristo wa mapema walivyofanya.—Mathayo 10:7; Matendo 20:20.

Kwenye mlango wa kwanza waliozuru, wanawake hawa walikutana na mwanamume ambaye walianzisha funzo la Biblia naye. Baada ya muda fulani, mke wa mwanamume huyu na binti yake walijiunga katika mazungumzo ya kawaida ya Biblia. Baadaye, baada ya kukutana na Mashahidi wengine, wote watano wakabatizwa. Sasa, wale wanawake waliochukua hatua ya kwanza ya kuwazuru wenzao, ni waeneza-evanjeli wa wakati wote.

Kwa kusoma kile kitabu Unaweza Kuishi Milele Katika Paradiso Duniani, wewe pia waweza kuchochewa kushiriki mafundisho ya Biblia pamoja na wengine. Ikiwa ungependa kupokea kitabu hiki au mtu fulani akutembelee nyumbani mwako ili kuongoza funzo la Biblia nyumbani bila malipo, tafadhali andikia I.B.S.A., Box 47788, Nairobi, Kenya, au tumia anwani ihusuyo iliyoorodheshwa kwenye ukurasa wa 5.