“Kitu Fulani cha Pekee”

Baada ya kusoma kitabu Yule Mtu Mkuu Zaidi Aliyepata Kuishi, kitabu ambacho kinajaribu kuonyesha kila tukio la maisha ya Yesu alipokuwa duniani kama lionyeshwavyo waziwazi katika zile Gospeli nne, mwanamke mmoja mwenye umri wa miaka 70 katika Moscow, Urusi, alisema hivi kwa mshangao: “Sijapata kamwe kusoma kitabu kama hiki. Nataka kujua mengi zaidi kuhusu Mungu na Yesu Kristo na hata kujifunza Biblia.”

Mara nyingi ofisi ya tawi ya Mashahidi wa Yehova katika Urusi hupokea barua za namna hiyo kuhusu fasihi za Biblia. Barua inayofanana na hiyo ilitumwa na mwanamke mmoja katika Chelyabinsk, jiji lililo na watu zaidi ya milioni moja lililo kilometa 1,500 kusini-mashariki ya Moscow.

Alisema hivi kuhusu kitabu Yule Mtu Mkuu Zaidi Aliyepata Kuishi: “Kitabu hiki ni kitu fulani cha pekee. Huwapa watu tumaini la wakati ujao wenye furaha na kuwasaidia wajue historia ya kale. Kabla sijapata kitabu hiki, sikufikiri kamwe juu ya Mungu na sikupendezwa kamwe na dini, lakini sasa nataka kubatizwa. Nataka sana kujifunza fasihi yenu. Nataka kuzungumza na marafiki, watu ninaowafahamu, na jamaa zangu juu ya mambo niliyojifunza.”

Wewe pia waweza kupokea fasihi ambayo yaweza kukusaidia kujua mengi zaidi juu ya Yesu na tumaini linalotegemea Biblia la maisha katika ulimwengu mpya. Ikiwa ungependa kupokea nakala ya kitabu Yule Mtu Mkuu Zaidi Aliyepata Kuishi au ungependa mtu fulani aongoze funzo la Biblia nyumbani pamoja nawe bila malipo, tafadhali andikia I.B.S.A., Box 47788, Nairobi, Kenya, au tumia anwani ihusuyo iliyoorodheshwa kwenye ukurasa wa 5.