Jinsi Alivyoshinda Tuzo

Kijana mmoja aliandikia ofisi ya tawi ya Mashahidi wa Yehova huko Lusaka, Zambia, ili kushukuru kwa ajili ya gazeti la Amkeni! Alieleza kwamba gazeti hilo lilimsaidia kushinda tuzo katika mashindano ya kuandika insha ya wanafunzi wa shule za sekondari. Wanafunzi walipewa kichwa “Mashindano ya Kuchunguza Anga Hupoteza Fedha Nyingi” na kuambiwa wafanye utafiti. Kijana huyo alieleza hivi:

“Punde, nilipata toleo la Amkeni! la Septemba 8, 1992. Gazeti hilo lilikuwa na habari niliyotaka. Nilitumia pia mambo mbalimbali kutoka katika matoleo mengine ya Amkeni!” Tuzo ambayo huyo kijana alipokea ilitia ndani dola 75 za Marekani. Alisema hivi: “Watu wengi huliona jarida la Amkeni! kuwa gazeti la hali ya juu.”

Watu wengi kotekote duniani wanapofikiria uchunguzi huo wa anga—kutia ndani mipango ya serikali ya kulinda nchi zao zisishambuliwe—wengi hujiuliza ikiwa tutapata kuwa na ulimwengu usio na vita kamwe. Hicho ndicho kichwa cha kichapo chenye kurasa 32 kinachoonyesha waziwazi kwamba hivi karibuni kutakuwako na ulimwengu usio na vita. Lakini vipi na lini?

Tunakutia moyo usome kichapo Je! Ulimwengu Usio na Vita Utakuwako Wakati Wowote? Unaweza kuomba nakala ya kichapo hicho kwa kujaza kuponi iliyo hapa chini na kuituma kwa anwani iliyoonyeshwa au kwa anwani inayofaa iliyoorodheshwa katika ukurasa wa 5 wa gazeti hili.

□ Nitumieni kichapo Je! Ulimwengu Usio na Vita Utakuwako Wakati Wowote?

□ Tafadhali wasilianeni nami kuhusu funzo la Biblia la nyumbani bila malipo.