‘Matumaini ya Paradiso’

Ofisi ya tawi ya Mashahidi wa Yehova huko Papua New Guinea ilipokea barua kutoka kwa msomaji mmoja wa Amkeni! ambaye anaishi Lae, katika Mkoa wa Morobe. Alieleza hivi:

“Lazima nikubali kwa unyofu kwamba nilifanya uamuzi mzuri sana miaka mitano iliyopita (nilipokuwa huko Port Moresby). Wakati huo nilianza kusoma gazeti la Amkeni! ambalo mnachapisha. Nimekuwa nikisoma kila toleo tangu 1997. Nyumba yangu imejaa magazeti ya Amkeni!

“Nimejifunza mambo mengi sana. Msamiati wangu, ujuzi wangu, sarufi yangu, na uelewevu wangu kuhusu Muumba umepanuka sana. Sasa naelewa mambo sana, ninawafikiria wengine, na niko makini sana, na nimependa mimea na wanyama hata zaidi. Napendekeza kwamba watu wengi zaidi wasome Amkeni! na pia vichapo vyenu vingine.”

Mwandikaji huyo alimalizia kwa kusema: “Naamini kwamba kama watu wote ulimwenguni wangekuwa Mashahidi wa Yehova, matumaini yetu ya Paradiso yangetimia mara moja. Endeleeni na kazi yenu nzuri.”

Vichapo vya Mashahidi wa Yehova hueleza ahadi ya Biblia kwamba ulimwengu huu utaharibiwa hivi punde, na ulimwengu mpya uletwe na Ufalme wa Mungu. Kitabu Ujuzi Uongozao Kwenye Uhai Udumuo Milele hueleza kuwa Ufalme huo ndilo jibu la matatizo yote yanayowapata wanadamu.

Unaweza kuomba kitabu hiki chenye kurasa 192 ili ujisomee mwenyewe. Unaweza kufanya hivyo kwa kujaza kuponi iliyo hapa chini na kuituma kwa anwani iliyoonyeshwa au kwa anwani ifaayo iliyoorodheshwa katika ukurasa wa 5 wa gazeti hili.

□ Nitumieni nakala ya kitabu Ujuzi Uongozao Kwenye Uhai Udumuo Milele.

□ Tafadhali wasilianeni nami kuhusu funzo la Biblia la nyumbani bila malipo.