Musa Akiwa na Pembe Kishani cha Kisanaa

IKIWA wewe umepata kuzuru Italia, ingeweza kuwa kwamba umeona sanamu maarufu ya Michelangelo kuhusu Musa aliyeketi, ambayo sasa iko kwenye Kanisa la St. Peter katika Chains, katika Roma. Mchongo huo wa karne ya 16 huonekana wa kishani, kwa maana huonyesha Musa akiwa na pembe zenye kutokeza katika kichwa chake! Kwa uhakika, wasanii kadhaa wameonyesha Musa akiwa na pembe. Kwa nini? Je! Biblia huandaa msingi wowote kwa wazo hilo?

Tafsiri Latin Vulgate ya Biblia hutuambia kwamba kufuata mazungumzo yake pamoja na Mungu juu ya Mlima Sinai, uso wa Musa ‘ulitiwa pembe.’ (Kutoka 34:29, 30, 35; linganisha Douay Version.) Vulgate ilipata kupendwa na watu wengi katika sehemu kubwa ya Jumuiya ya Wakristo na hivyo ikaathiri jinsi maandiko yalivyoeleweka.

Hata hivyo, neno la Kiebrania lililotafsiriwa ‘ulitiwa pembe’ lina maana pia ya ‘kutokeza mionzi’ au ‘kung’aa.’ (Ona kielezichini cha Douay Version kwenye Kutoka 34:29.) Kulingana na Theological Wordbook of the Old Testament, neno hilo “huonyesha umbo la upembe (pembe) badala ya kitu chenyewe.” Na kwa maoni ya ufananisho, kwa kweli mionzi ya nuru hushabihi pembe.

Uhakika wa kwamba uso wa Musa ulitokeza mionzi unaelezeka, kwa maana utukufu wa Yehova ulikuwa ndio wapita tu. (Kutoka 33:22; 34:6, 7) Paulo huthibitisha huo kuwa ndio uelewevu sahihi, akiandika juu ya “utukufu” wa uso wa Musa, wala si wa “pembe” zake.—2 Wakorintho 3:7.

Hivyo uelewevu sahihi wa maneno ya Kibiblia huongoza katika kupata maarifa yenye kupenya ndani zaidi juu ya ripoti hiyo ya Biblia. Kwa hiyo, pembe zilizo katika sanamu maarufu ya Michelangelo kuhusu Musa ni kishani cha kisanaa tu kilichotokana na kosa la tafsiri lililosahihishwa muda mrefu uliopita.

[Hisani katika ukurasa wa  7]

Based on Short History of Art