Kweli Juu ya Helo
RIPOTI ya tume ya mafundisho ya Kanisa la Uingereza yasema kwamba helo si tanuri la moto kwa vyovyote; badala ya hivyo, ni mahali pa kuwaziwa tu penye utupu. “Kuna sababu nyingi za badiliko hilo,” hiyo ripoti yaeleza. “Lakini miongoni mwazo kumekuwa kule kuteta kwa kiadili ndani na nje ya imani ya Kikristo dhidi ya dini yenye kuhofisha, na hisi yenye kuongezeka kwamba wazo la Mungu aliyeweka mamilioni kuteswa milele lilikuwa tofauti kabisa na ufunuo wa upendo wa Mungu katika Kristo.”
Hali hiyo yenye kusumbua juu ya maoni ya kimapokeo ya helo si ya Kanisa la Uingereza pekee. Watu kutoka dini mbalimbali hupata ugumu wa kuabudu Mungu mlipiza kisasi anayechoma watenda-dhambi. “Watu hutaka Mungu aliye mchangamfu na mwenye huruma nyororo,” asema Jackson Carroll, profesa wa dini na jamii kwenye Divinity School ya Chuo Kikuu cha Duke. “Kuzungumzia dhambi na hatia ni kinyume cha kufikiri kwa sasa.”
Mashahidi wa Yehova wameamini kwa muda mrefu kwamba helo, kama ifundishavyo Biblia jambo hilo, ni kaburi la ujumla tu la wanadamu waliokufa—si mahali pa moto wa mateso. Wao huamini hivyo, si kwa sababu jambo hilo lapendwa, lakini kwa sababu ya yale ambayo Biblia husema: “Lakini wafu hawajui neno lo lote . . . Kwa kuwa hakuna kazi, wala shauri, wala maarifa, wala hekima, huko kuzimu [“helo,” Douay Version ya Katoliki] uendako wewe.”—Mhubiri 9:5, 10.
Akiwa na uelewevu huo wa wazi kwa habari ya hali ya wafu, Charles Taze Russell, msimamizi wa kwanza wa Watch Tower Society, aliandika huko nyuma katika mwaka wa 1896 hivi: “Hatuoni [katika Biblia] mahali kama hapo pa mateso yadumuyo milele kama vile imani na vitabu vya nyimbo, na wahubiri wengi, wafundishavyo kimakosa. Lakini tumepata ‘helo,’ sheol, hades, ambako jamii yetu yote ilihukumiwa kwenda kwa ajili ya dhambi ya Adamu, na ambamo kutoka humo wote wanakombolewa na kifo cha Bwana wetu; na ‘helo’ hiyo ni kaburi—hali ya kifo.”
Hivyo kwa zaidi ya karne moja, Mashahidi wa Yehova wamefundisha kweli ya Kibiblia kuhusu helo.
[Picha katika ukurasa wa 32]
Charles T. Russell