‘Kielelezo cha Muungano na Udugu’

Hivyo ndivyo mwanamke mmoja alivyofafanua matendo ya Mashahidi wa Yehova baada ya mshiriki wa familia yake kufa kifo chenye kuhuzunisha. Yeye aeleza hivi:

“Kwa niaba ya familia yangu na mimi mwenyewe, ningependa kuwashukuru Mashahidi wa kutaniko la Kiitalia lililoko Freiburg, Ujerumani. Familia yangu si Mashahidi wa Yehova isipokuwa ndugu yangu Antonio na Anna, mke wake. Tumechambua kwa muda mrefu uchaguzi wa dini waliofanya, ingawa sikuzote tumeistahi.

“Hata hivyo, sasa lazima tubadili maoni yetu. Kwa kweli, tumeona kielelezo cha udugu na upendo ambacho hatungetarajia kamwe kuona.

“Kwa kusikitisha, Anna alikufa katika aksidenti ya barabarani. Kwa kuwa tunaishi Italia, hatungeweza kukaa karibu na ndugu yangu Antonio na watoto wake kwa muda mrefu. Ndugu zake Mashahidi walimsaidia. Wamemsaidia kwa kuwapo kwao, maneno yao, imani yao, utegemezo wao wa kimwili, kihisia, na kiuchumi. Kwa kuwa siwezi kulishukuru hilo kutaniko kibinafsi, ningependa kuwashukuru kupitia gazeti lenu kwa kielelezo chao cha muungano na udugu ambao hatutausahau.”

Maneno yenye fadhili ya mwanamke huyo yanathaminiwa. Kama alivyosema, Mashahidi wa Yehova ni udugu wa ulimwenguni pote. (1 Petro 2:17) Wao husitawisha uhusiano wenye shauku miongoni mwao, wakijua kwamba upendo “ni kifungo kikamilifu cha muungano.” (Wakolosai 3:14) Hata katika hali zenye kuhuzunisha zaidi, ambazo zaweza kutupata sisi sote, Mashahidi wa Yehova hushikamana kwa ukaribu na Mungu na watu wake.—Mithali 18:24; Mhubiri 9:11; Yohana 13:34, 35.