“Zawadi Yako Yenye Thamani Sana”

HIVYO ndivyo alivyosema waziri mkuu wa zamani wa Ubelgiji kuhusu kitabu Yule Mtu Mkuu Zaidi Aliyepata Kuishi.a Jirani yake alimtembelea, na waziri huyo mkuu akakubali kitabu hicho. Baadaye, aliandika barua ya shukrani: “Ziara yako ya kirafiki ilinigusa moyo, na nilivutiwa hata zaidi na zawadi yako yenye thamani sana: kile kitabu kinachozungumza kuhusu ‘Yule Mtu Mkuu Zaidi.’”

Waziri huyo mkuu wa zamani alikuwa amekichunguza kitabu hicho na kukata kauli hivi: “Kama watu wangependezwa zaidi na ujumbe wa Injili na kufuata kanuni za Yesu Kristo, ulimwengu ungekuwa tofauti sana leo. Hatungehitaji Baraza la Usalama; wala hakungekuwa na mashambulizi ya kigaidi, na jeuri ingepigwa marufuku ulimwenguni.” Ingawa alikubali kwamba hali haziwezi kuwa hivyo, alimshukuru sana jirani yake kwa sababu ya kumtembelea.

Barua hiyo iliendelea kusema hivi: “Unashikiriana na kikundi kinachostahili kusifiwa cha watu wenye nia njema ambao hawatazamii mema au mabaya tu lakini wanaamini kwamba wanadamu na pia ulimwengu unaweza kuwa bora.”

Mashahidi wa Yehova wanaamini kwamba Mungu ndiye atakayeleta ulimwengu bora wala si jitihada za wanadamu. Wanajitahidi kumwiga yule mtu mkuu zaidi, Yesu Kristo. Je, Mashahidi wa Yehova wamekutembelea hivi karibuni? Inaelekea utafurahia kuzungumza nao kumhusu yule mtu mkuu zaidi aliyepata kuishi. Nao watafurahi kukupa kitabu kilimchovutia sana yule waziri mkuu wa zamani.

[Maelezo ya Chini]