MAJIBU YA MASWALI YA BIBLIA

Watoto wanawezaje kujifunza kumpenda Mungu?

Mzazi akimfundisha mtoto wake kuhusu uumbaji — Tumia uumbaji kumsaidia mtoto wako kumjua na kumpenda Mungu

Watoto wako wanaweza kujifunza kumpenda Mungu ikiwa tu wamethibitishiwa kuwa yeye yupo na anawapenda. Ili wampende Mungu, wanahitaji kumjua. (1 Yohana 4:8) Kwa mfano, wanahitaji kujua majibu ya maswali yafuatayo: Kwa nini Mungu aliwaumba wanadamu? Kwa nini Mungu anaruhusu kuteseka? Mungu atawafanyia nini wanadamu wakati ujao?—Soma Wafilipi 1:9.

Ili kuwasaidia watoto wako wampende Mungu, ni lazima waone kwamba wewe mwenyewe unampenda. Wanapoona jambo hilo inaelekea kwamba wataiga mfano wako.—Soma Kumbukumbu la Torati 6:5-7; Methali 22:6.

Unawezaje kufikia mioyo ya watoto wako?

Neno la Mungu lina nguvu. (Waebrania 4:12) Kwa hiyo wasaidie watoto wako wajifunze mafundisho ya msingi ya Biblia. Ili kufikia mioyo ya watu, Yesu aliwauliza maswali, aliwasikiliza, na alifafanua Maandiko. Ili ufikie mioyo ya watoto wako, iga njia za Yesu za kufundisha.—Soma Luka 24:15-19, 27, 32.

Kwa kuongezea, masimulizi ya Biblia ya jinsi Mungu alivyoshughulika na watu yanaweza kuwasaidia watoto wako wamjue na wampende Mungu. Machapisho yenye masimulizi hayo yanapatikana kwenye www.jw.org/sw.—Soma 2 Timotheo 3:16.

Kwa habari zaidi, soma sura ya 14 ya kitabu, Biblia Inafundisha Nini Hasa?, kilichochapishwa na Mashahidi wa Yehova

Kinapatikana kwenye www.jw.org/sw, au unaweza kuomba kitabu hicho ukitumia mojawapo ya anwani zilizoorodheshwa kwenye ukurasa wa 2