Sehemu Mpya ya Kalenda ya 1989

¹ Kwa miaka sita tumeshangilia kalenda zenye mandhari zenye kupendeza za ndugu zetu wakitoa ushuhuda katika mabara mbalimbali. Lakini kwa mwaka ulio mbele tu, tutakuwa na aina mpya ya kalenda ambayo kutokana nayo mtanufaika katika njia tofauti.

² Kalenda ya 1989 ya Mashahidi wa Yehova itatoa mfululizo wa picha zenye rangi zenye kupendeza za mahali katika Bara la Ahadi. Chini ya kila picha kubwa kutakuwa na maelezo yenye kupendeza kuhusu yale tunayoona kwenye picha. Pia kutakuwa maelezo kuhusu matukio ya Kibiblia yaliyotokea katika mahali hapo na maneno yanayoonyesha kwa nini mahali hapo ni pa maana kwetu sisi tukiwa wanafunzi wa Neno la Mungu wenye makini.

³ Bila shaka, kalenda hiyo itaendelea kuwa na sehemu zenye mafaa ambazo tumethamini kwa muda mrefu, kama vile ratiba ya usomaji wa Biblia. Lakini yaelekea utapata matumizi mapya kwa sababu ya picha kubwa, zilizo dhahiri za Bara la Ahadi. Mathalani, Januari/Februari itaonyesha mandhari ya mtazamo wa kutoka angani wa Megido, ambayo unaweza kutumia katika funzo la Biblia kueleza maana ya Har–Magedoni. Picha hizo zitatusaidia kuona katika ufahamu masimulizi ya Biblia, kwa hiyo huenda wazazi wakazitumia katika kuzungumzia hadithi za Biblia pamoja na watoto wao.

⁴ Picha hizo na maelezo zitatiwa namba ili kutambua picha hususa kwa urahisi ikiwa unazungumzia simulizi la Biblia wakati wa sehemu katika mkutano. Huenda watu fulani wakataka kupata kalenda zaidi na kuweka picha katika fremu kwa matumizi ya wakati wote. Picha hizi zapasa ziwe nyongeza yenye thamani kwa maktaba yako ya kitheokrasi. Tafadhali fikiria jambo hili unapopeleka agizo lako.