Matangazo

● Toleo la fasihi la Januari na Februari: Kitabu chochote cha kurasa 192 kilichochapwa kabla ya 1980 ambacho kundi linacho akibani kwa nusu ya bei ya kawaida. (Kuhusu kuomba kupunguziwa deni, wazee wapaswa kurejezea mwongozo katika Huduma ya Ufalme Yetu ya Desemba 1988, ukurasa wa 3.) Ikiwa kundi halina vitabu hivyo akibani ili vitolewe, kitabu Kuokolewa Kuingia Katika Dunia Mpya chapasa kitolewe kwa bei ya kawaida. Kitabu Kuokolewa chaweza kuagizwa kutoka kwa ofisi ya tawi. Machi: Kitabu Upeo wa Ufunuo. Aprili na Mei: Uandikishaji wa Mnara wa Mlinzi.

● Kuanzia Februari, na si baada ya Machi 3, hotuba mpya ya watu wote ya mwangalizi wa mzunguko itakuwa “Hekima ya Kimungu Katika Ulimwengu wa Kisayansi.”

● Wakati wa ziara ya mwangalizi wa mzunguko, Shule ya Huduma ya Kitheokrasi moja tu ndiyo itaongozwa. Kila mtu apaswa kukaa katika jumba kuu kwa programu yote jioni hiyo.

● Hotuba ya pekee kwa ajili ya wakati wa Ukumbusho ya 1991 itatolewa ulimwenguni pote siku ya Jumapili, Aprili 7, 1991. Kichwa cha hotuba hiyo kitakuwa “Kuja kwa Mesiya na Utawala Wake.” Muhtasari utaandaliwa. Makundi yatakayokuwa na ziara ya mwangalizi, kusanyiko la mzunguko au siku ya kusanyiko la pekee mwisho wa juma hilo yatakuwa na hotuba hiyo ya pekee juma litakalofuata. Hakuna kundi linalopasa kuwa na hotuba hiyo ya pekee kabla ya Aprili 7.

● Sosaiti inafurahia kutangaza kwamba sasa kazi imekamilishwa ya kutengeneza video-kaseti ya dakika 55 katika Kiingereza yenye kichwa Jehovah’s Witnesses—The Organization Behind the Name. Watu mmoja mmoja wanaopenda kupata video-kaseti hiyo wapaswa kuagiza kupitia kundi. Tafadhali kumbukeni kwamba video-kaseti hizo ni bidhaa za kuagizwa kwa kiasi nazo zapatikana kwa Kiingereza tu kwa bei zinazokadiriwa kama ifuatavyo: Pai. Kshs. 400/=; mhu. Kshs. 535/=. Wengine wote tafadhali ombeni habari. Pia, tafadhali angalieni kwamba haki zote za video-kaseti hii zimehifadhiwa na haipasi kunakiliwa kwa njia yoyote.

● Inapohusu kuripoti funzo la Biblia la familia au mafunzo yanayoongozwa pamoja na watoto wadogo wasiobatizwa wa Wakristo walio wakfu na kubatizwa, tafadhali fuateni mwongozo uliotolewa katika Sanduku la Swali kwenye toleo la Julai 1983, katika Huduma ya Ufalme Yetu.