Sanduku la Swali-1

◼ Shangwe yaweza kuonyeshwaje na wale wanaohudhuria ubatizo?

Ubatizo ni wakati wa kuonewa shangwe. Tunafurahi kuwaona wapya wakichukua msimamo wao upande wa Yehova, wakionyesha peupe imani yao. (Zab. 40:8) Yesu alisema kwamba hilo lilikuwa sababu ya shangwe nyingi mbinguni. (Luka 15:10) Washiriki wa familia na wahubiri waliojifunza pamoja na wale wanaobatizwa wana shangwe hasa kuwaona wapya wakichukua hatua hii ya maana. Lakini shangwe hiyo yaweza kuonyeshwaje kwa kufaa?

Ubatizo wa Yesu uliweka kielelezo cha ubatizo wa Kikristo leo. Yeye alithamini kwamba hiyo ilikuwa hatua yenye uzito na heshima ambayo alikusudia kuchukua. Yeye alikuwa anasali alipobatizwa. (Luka 3:21, 22) Alijua kwamba wakati wa ubatizo ni wakati wa kutafakari na kufikiri kuzuri. Wanafunzi wake pia walitambua umaana wa ubatizo. Kufuatia kumwagwa kwa roho takatifu siku ya Pentekoste 33 W.K., karibu 3,000 walibatizwa. Ni nini lililokuwa itikio tendo la wanafunzi walioshuhudia tukio hilo? “Wakawa wakidumu katika fundisho la mitume, na katika ushirika, na katika kuumega mkate, na katika kusali.” (Mdo. 2:41, 42) Wanafunzi hao walishughulikia mambo ya kiroho na wakakaribishana.

Mabatizo yamekuwa sehemu yenye maana ya mikusanyiko ya Kikristo katika nyakati za kisasa. Bila shaka ni vema kuonyesha shangwe yetu kwa kupiga makofi na kitiamoyo tunapoona watu mmoja mmoja wakichukua msimamo wao kwa Yehova. Kwa upande mwingine, maonyesho ya kushangilia kupita kiasi, kupiga mbinja, kupiga kelele, kupunga mikono juu ya kichwa, na kuita majina kungekuwa kusikofaa. Mwenendo kama huo huonyesha ukosefu wa uthamini kwa wonyesho huu wa imani wenye uzito na mtakatifu. Wala huu haungekuwa wakati unaofaa wa maonyesho ya wazi ya kupatiana mauwa au zawadi nyingine kwa waliobatizwa wanapotoka kwenye kidimbwi. Ubatizo hutia alama mwanzo wa shindano la mbio la Kikristo kwa ajili ya wokovu. Tunaweza kushangilia na kutia moyo wale wanaobatizwa kwa kuwasaidia wathamini uhusiano wa karibu na Yehova ambao ubatizo huwapa.

Sehemu ya ubatizo haingekuwa eneo la kufanya mzaha, kucheza, kuogelea, au mwenendo mwingineo ambao ungeondoa uzito wa tukio hilo. Shangwe yetu yapasa kuonyeshwa katika njia yenye heshima. Utaratibu na uzito wetu utachangia shangwe ya wote waliopo.