Matangazo

◼ Toleo la fasihi kwa Februari: Kitabu chochote cha kurasa 192 kilichochapishwa katika 1983 au mapema zaidi kwa nusu bei ya kawaida. Ikiwa kundi halina akiba ya vitabu hivyo, kitabu Usalama Ulimwenguni Pote Chini ya “Mwana-Mfalme wa Amani,” kitolewe kwa bei ya kawaida. Chaweza kuagizwa kutoka ofisi ya tawi au depo yenu ya fasihi. Machi: Ufunuo—Upeo Wao Mtukufu U Karibu! Aprili na Mei: Uandikishaji wa Mnara wa Mlinzi.

◼ Mwandishi na mwangalizi wa utumishi wapaswa kupitia utendaji wa mapainia wote wa kawaida. Ikiwa wowote wana magumu ya kufikia takwa la saa, wazee wapange msaada utolewe. Kwa madokezo, pitieni barua za Sosaiti (S-201-SW) za Oktoba 1, 1991, na Oktoba 1, 1990. Pia, angalieni mafungu 12-20 ya nyongeza ya Huduma ya Ufalme Yetu ya Septemba 1986.

◼ Ukumbusho utaadhimishwa Ijumaa, Aprili 17, 1992. Ijapokuwa hotuba yaweza kuanza mapema kidogo, tafadhali kumbukeni kwamba kupitishwa kwa mkate na divai ya Ukumbusho hakupasi kuanza mpaka baada ya jua kushuka. Pateni habari kutoka vyanzo vya kwenu ili kujua wakati wa jua kushuka katika eneo lenu. Hakuna mikutano mingine isipokuwa mikutano kwa ajili ya utumishi wa shambani itaongozwa tarehe hiyo.

◼ Hotuba ya pekee katika 1992 itatangulia Ukumbusho na itafanywa Jumapili, Aprili 5, 1992. Kichwa kitakuwa “Sehemu ya Dini Katika Mambo ya Ulimwengu.” Makundi yatakayokuwa na ziara ya mwangalizi wa mzunguko, siku ya kusanyiko la pekee, au na kusanyiko la mzunguko yatapanga yawe na hotuba hiyo ya pekee Jumapili itakayofuata, Aprili 12, 1992. Makundi ambayo huwa na Mikutano ya Watu Wote katika siku nyingine tofauti na Jumapili yaweza kupanga kuwa na hotuba ya pekee katika kipindi kinachoanza Aprili 6-11.

◼ Wahubiri wanaotaka kufanya upainia msaidizi katika Machi na Aprili wapaswa kufanya mipango yao sasa na kutoa fomu zao za maombi mapema. Hiyo itasaidia wazee wafanye mipango inayohitajiwa ya utumishi wa shambani na kuwa na fasihi ya kutosha.

◼ Sosaiti imetoa trakti mpya katika Kiingereza na Kihispania iweze kutumiwa miongoni mwa Wayahudi. Kichwa chayo ni A Peaceful New World—Will It Come? (Trakti Na. 17). Makundi yaliyo na Wayahudi katika eneo lao huenda yakataka kuagiza ugavi wa trakti hiyo. Itakapopatikana katika lugha nyingine, tangazo litafanywa.

◼ Sosaiti inakubali maombi ya mabuku yaliyojalidiwa ya Mnara wa Mlinzi yaliyochapishwa tena katika KIFARANSA kwa miaka 1950 hadi 1964. Wowote wanaopendezwa kupata mabuku hayo yaliyojalidiwa ya Mnara wa Mlinzi yaliyochapishwa tena katika Kifaransa wapaswa kuyaagiza kupitia kundi kwenye Fomu ya Agizo la Vitabu itakayofuata. Kwa kuwa mabuku hayo yanachapishwa tena kwa mara moja tu, tunawahimiza wote wafikirie mahitaji yao kwa uangalifu. Tafadhali kumbukeni kwamba mabuku hayo yaliyojalidiwa ni bidhaa za kudhibitiwa au za agizo la pekee.

◼ Rekebisho katika kitabu Ufunuo—Upeo Wao Mtukufu U Karibu!:

Ukurasa 265, safu 1, fungu 22, mstari 18: Badilisha “wa Babuloni Mkubwa” isomeke “wa Kibabuloni katika 1919.”

◼ Jumla ya hadhirina kwa mikusanyiko ya wilaya katika nchi fulani:

Kenya 14,153 346 wakabatizwa

Tanzania 5,942 147 wakabatizwa

Uganda 2,374 48 wakabatizwa