Sanduku la Swali

◼ Je! kundi linapaswa kuweka faili ya Huduma ya Ufalme Yetu?

Katika toleo la Huduma ya Ufalme Yetu la Mei 1972, ilielezwa kwamba inafaa kuweka faili ya matoleo ya kila mwezi ya Huduma ya Ufalme Yetu kwenye maktaba ya Jumba la Ufalme kwa kusudi la marejezo. Bado ni jambo lenye kufaa kuwa na faili hiyo kwenye maktaba ya kila Jumba la Ufalme kwa matumizi ya wazee na wahubiri.

Ikiwa faili hiyo inapatikana, wahubiri wanaweza kurejezea kwenye habari za wakati uliopita kuhusu utoaji mbalimbali katika utumishi wa shambani, kuongoza mafunzo ya Biblia, kufanya ziara za kurudia, na kadhalika. Mawazo mazuri ya kutumiwa hudumani yaweza kupatikana. Mara kwa mara, matoleo ya sasa ya Huduma ya Ufalme Yetu hurejezea matoleo yaliyochapishwa kabla ya baadhi ya akina ndugu kushirikiana na kundi. Wapya wanaoshirikiana nasi waweza kufaidika ikiwa faili hiyo inawekwa. Kimoja cha vifuniko vya faili vya Watchtower vilivyotengenezwa upya chaweza kutumiwa kuhifadhi nakala za zamani za Huduma ya Ufalme Yetu kwenye Jumba la Ufalme.

Wazee wanapaswa wampe mgawo ama mwangalizi wa Shule ya Huduma ya Kitheokrasi ama mtumishi wa huduma anayestahili ahakikishe kwamba faili hiyo inatiwa nakala za karibuni zaidi mwezi baada ya mwezi. Ingawa habari iliyotolewa katika Huduma ya Ufalme Yetu ni kwa namna ya madokezo wala si sheria thabiti, bado hiyo ni chanzo kizuri cha habari za kurejezewa inayopaswa iwe sehemu ya maktaba ya kila Jumba la Ufalme. Hata hivyo, matoleo ya wakati uliopita ya Huduma ya Ufalme Yetu hayawezi kuagizwa kutoka Brooklyn.