Nufaisha Wengine kwa Kutumia Magazeti

¹ Tuna furaha kama nini kupokea matoleo ya karibuni ya Mnara wa Mlinzi na Amkeni! Twathamini fursa ya kuyasoma upesi iwezekanavyo ili tunufaike kutokana na habari iliyotolewa. Zaidi ya kutafuta habari ambayo huenda ikatusaidia sisi binafsi, ni wazo zuri kutafuta mambo ambayo yaweza kutumiwa kuwatolea wengine magazeti hayo. Twaweza kutia alama sehemu ambazo huenda hasa zitawapendeza wale walio katika eneo la kutaniko letu au hata kuweka maandishi kando ya nakala zetu ya kutukumbusha mambo ya kuongewa na jinsi makala hiyo iwezavyo kutolewa katika mahali petu.

² Magazeti yetu yana thamani yenye kudumu. Ijapokuwa huenda tukatoa uangalifu wa kwanza kwa kutoa magazeti ya karibuni, hakuna haja ya kuyatupa matoleo ya zamani, kwa kuwa habari yenyewe haiwi ya zamani. Weka matoleo ya zamani kwenye mkoba wako wa vitabu ili kwamba yawe tayari wakati wa kutoa ushahidi. Hayo yaweza kutumika hasa wakati uhitaji hususa wa mwenye nyumba unapojulikana.