Mikutano Ya Utumishi Kwa Julai
Juma Linaloanza Julai 4
Dak 10: Matangazo ya kwenu na Matangazo yawezayo kutumiwa kutoka Huduma ya Ufalme Yetu. Taja vichwa vya vijitabu, ambavyo kutaniko lina akiba yavyo; tia moyo wahubiri wajitwalie ugavi wa kutumia katika utumishi.
Dak 17: “Nyumba kwa Nyumba Bila Kuacha.” Maswali na majibu. Alika maelezo ya uthamini kutoka kwa wasikilizaji fulani ambao walifikiwa kwanza kupitia mahubiri ya nyumba kwa nyumba.
Dak 18: “Wasaidie Wengine Wajifunze Kweli.” Zungumza pamoja na wasikilizaji. Panga wahubiri wenye ujuzi watoe maonyesho mawili au matatu ya utoaji uliopendekezwa. Kazia manufaa za mfikio mfupi, na sahili.
Wimbo 120 na sala ya kumalizia.
Juma Linaloanza Julai 11
Dak 12: Matangazo ya kwenu. Soma ripoti ya hesabu pamoja na shukrani zozote za upaji wa hiari za Sosaiti. Toa pongezi kwa ajili ya michango.—Kut. 35:29.
Dak 15: Soma na uzungumze juu ya barua ya Sosaiti ya tarehe ya Mei 1, 1994, kuhusu wahubiri kushirikiana na wazee na Halmashauri za Uhusiano na Hospitali. Kazia kwamba hatua zinazoonyeshwa kwenye barua hii zapasa kufuatwa hali ya kitiba yenye kutisha imani inapokabiliwa. Unganisha maandiko ya Biblia yaliyowekwa bila manukuu. Tia mkazo wa pekee kwa mafungu 2 na 6. Ikiwa kutaniko lenu halikupokea barua hii au habari yoyote kuhusu jinsi Halmashauri ya Uhusiano na Hospitali inavyoendeshwa basi bado mpango huu hautumiki katika eneo lenu. Kwa sababu hiyo sehemu hii yaweza kutumiwa kwa ajili ya Mahitaji ya Kwenu au mzee mwenye ujuzi atoe hotuba juu ya makala “Jitenge Mbali Hatari Itishapo,” ya Mnara wa Mlinzi, Februari 15, 1994, kurasa 22-5.
Dak 18: “Watasikiaje Bila Sisi Kurudi?” Zungumza pamoja na wasikilizaji. Toa wonyesho wa madokezo yaliyo kwenye mafungu 3 na 4. Toa maelezo ya ziada ukionyesha ni kwa nini ziara za kurudia zapasa kufanywa kukiwa na lengo la kuanzisha mafunzo.
Wimbo 123 na sala ya kumalizia.
Juma Linaloanza Julai 18
Dak 15: Matangazo ya kwenu. Pia, kupitia kwa maswali na majibu “Biblia—Kitabu cha Wanadamu cha Kale Zaidi Kilicho cha Kisasa.” Taja mipango ya utumishi wa shambani kwa mwisho-juma, na utie moyo ushiriki katika kugawanya magazeti.
Dak 8: Sanduku la Swali. Mazungumzo ya maswali na majibu.
Dak 22: “Kuwapata Wenye Kupendezwa Kupitia Kutoa Ushahidi wa Barabarani Wenye Matokeo.” Mwangalizi wa utumishi au mzee mwingine mwenye ustahili ambaye ni mwenye matokeo katika ushahidi wa barabarani azungumzia makala na wahubiri wawili au watatu ambao pia wana ujuzi katika ushahidi wa barabarani. Mazungumzo yaweza kutia ndani maono mawili au matatu mafupi. Toa onyesho la mafikio ukitumia magazeti ya karibuni. Ikiwa haifai au haipendekezwi kutoa ushahidi wa barabarani katika nchi yako kwa sababu ya vizuizi fulani basi fuateni sehemu hii ipasavyo.
Wimbo 134 na sala ya kumalizia.
Juma Linaloanza Julai 25
Dak 10: Matangazo ya kwenu. Habari za Kitheokrasi. Toa wonyesho wa utoaji wa matoleo ya magazeti ya karibuni. Tia moyo wote washiriki kueneza magazeti.
Dak 15: “Wachanga Wahitaji Kielelezo Chema.” Maswali na majibu. Hoji kijana mmoja au wawili ambao ni vielelezo vyema. Acha waeleze wamejiwekea miradi gani ya kiroho na jinsi jitihada zao zimeleta baraka za ziada.
Dak 20: Kufanya Utoaji Wetu Uwe Bora Zaidi. Kikundi cha familia kina kipindi cha kujifunza cha mazoezi kikitegemea madokezo yaliyoko kwenye kitabu Kiongozi cha Shule, ukurasa 99, fungu 9. Mshiriki mmoja wa familia aonyesha utoaji, wengine watoa pongezi na madokezo ya kufanyia maendeleo. Tia ndani kipingamizi cha kawaida katika eneo lenu, na mzungumzie jinsi ya kukishinda.
Wimbo 187 na sala ya kumalizia.