Je, Una Agizo Hususa la Magazeti?

¹ Je, umewahi kwenda kwenye mkutano wa utumishi wa shambani ukagundua kwamba hukuwa na magazeti katika mkoba wako wa mahubiri? Kumbuka nyongeza ya Huduma ya Ufalme Yetu ya Septemba 1995 yenye kichwa “Tumieni Magazeti Yetu Vema Kabisa.” Ilituambia “uwe na agizo hususa la magazeti,” ikisema: “Toa agizo la kihalisi kwa ndugu anayeshughulika na magazeti ukiomba idadi hususa ya nakala ya kila toleo. Kwa njia hiyo, wewe na familia yako mtakuwa na ugavi wa kawaida na wa kutosha wa magazeti.” Je, umefanya hivyo?

² Kwa nini usiombe uwe na agizo hususa la magazeti? Utahisi ukiwa na daraka kubwa la kugawanya magazeti juma baada ya juma, nawe utapata shangwe kubwa kwa kufanya hivyo. Ikiwa tayari una agizo hususa la magazeti, chunguza tena kama unapata kiwango unachohitaji cha wastani kwa mwezi katika huduma. Bila shaka, twataka kuwa waaminifu katika kuchukua agizo letu kila juma na twapaswa kuhisi tukiwa na daraka la kufanya hivyo. Ikiwa hutakuwa kutanikoni kwa muda mrefu, mjulishe mtumishi wa magazeti kama wataka ampe mtu mwingine magazeti yako hadi utakaporudi.

³ Nyongeza hiyohiyo iliyonukuliwa juu pia ilisema kwamba twapaswa “[ku]ratibu siku ya magazeti ya kawaida.” Je, unaweza kuunga mkono Siku ya Magazeti ya kila juma? Kama ionyeshwavyo kwenye 1999 Calendar of Jehovah’s Witnesses, siku hiyo ni kila Jumamosi ya mwaka! Usidharau umaana wa kugawanya Mnara wa Mlinzi na Amkeni! Tufanyapo jitihada kushiriki kikamili katika utendaji wa magazeti, ‘tunaleta habari njema ya mambo mema,’ kwa majirani wetu.—Isa. 52:7.