Matangazo

◼ Toleo la fasihi la Januari: Kitabu chochote chenye kurasa 192 kilichochapishwa kabla ya 1986 ambacho huenda kutaniko likawa nacho akibani. Makutaniko ambayo hayana vitabu hivyo yaweza kutoa Life—How Did It Get Here? By Evolution or by Creation? au Unaweza Kuishi Milele Katika Paradiso Duniani, au vichapo vingine vyovyovote vilivyo kutanikoni. Februari: Siri ya Kupata Furaha ya Familia. Machi: Ujuzi Uongozao Kwenye Uhai Udumuo Milele. Jitihada ya pekee itafanywa ili kuanzisha mafunzo ya Biblia ya nyumbani. Aprili: Nakala mojamoja za Mnara wa Mlinzi na Amkeni! Uwe na broshua Anataka karibu kwa ajili ya watu wenye kupendezwa, na ujitahidi kuanzisha mafunzo ya Biblia ya nyumbani.

◼ Wahubiri wote waliobatizwa watakaokuwapo kwenye Mkutano wa Utumishi wa juma la Januari 10 waweza kupata kadi ya Mwelekezo wa Mapema Kuhusu Tiba/Ondoleo la Hatia na Kadi ya Utambulishi kwa ajili ya watoto wao.

◼ Kuanzia Februari na wala sio baada ya Machi 5, hotuba mpya ya watu wote itakayotolewa na waangalizi wa mzunguko itakuwa “Har–Magedoni Halisi—Kwa Nini? Lini?

◼ Makutaniko yapaswa kufanya mipango ifaayo ili kusherehekea Ukumbusho mwaka huu siku ya Jumatano, Aprili 19, baada ya jua kushuka. Hata ingawa hotuba yaweza kuanza mapema, kupitishwa kwa mifano ya Ukumbusho kwapaswa kuanza baada ya jua kushuka. Chunguzeni kutoka vyanzo vya kwenu ili mjue jua litashuka saa ngapi katika eneo lenu. Ijapokuwa inapendekezwa kila kutaniko liwe na sherehe ya ukumbusho mahali pao peke yao, wakati mwingine hili haliwezekani. Mahali ambapo makutaniko kadhaa yanatumia Jumba la Ufalme lilelile, huenda kutaniko moja au zaidi likatafuta mahali pengine kwa ajili ya jioni hiyo. Ikiwezekana, tunapendekeza kuwe na angalau dakika 40 kati ya programu ili kwamba wote waweze kunufaika kikamili na sherehe hiyo, ikiruhusu wakati wa kusalimu wageni na kuwatia moyo wapya wanaopendezwa. Hali ya kuegesha magari na kushusha abiria yapaswa kufikiriwa pia. Baraza la wazee lapaswa kuamua ni mipango ipi itakayofaa mahali penu.

◼ Hotuba ya pekee ya kipindi cha Ukumbusho cha mwaka wa 2000 itatolewa siku ya Jumapili, Aprili 16. Kichwa cha hotuba kitakuwa “Sababu Wanadamu Wanahitaji Fidia.” Muhtasari utatolewa. Makutaniko ambayo yatakuwa na ziara ya mwangalizi wa mzunguko, kusanyiko la mzunguko au siku ya kusanyiko la pekee mwisho-juma huo yatahitaji kutolewa hotuba ya pekee juma litakalofuata. Hakuna kutaniko linalopaswa kutolewa hotuba ya pekee kabla ya Aprili 16, 2000.

◼ Andiko la mwaka wa 2000 ni “Sisi si namna irudiyo nyuma . . . bali namna iliyo na imani.”—Waebrania 10:39. Mipango yapasa kufanywa ili kuliweka katika Majumba yetu ya Ufalme.