Matangazo

◼ Toleo la vichapo la Aprili na Mei: Nakala mojamoja za Mnara wa Mlinzi na Amkeni! Uwe na broshua Anataka karibu kwa ajili ya watu wenye kupendezwa, na ujitahidi kuanzisha mafunzo ya Biblia ya nyumbani. Juni: Mungu Anataka Tufanye Nini? Kazia kuanzisha mafunzo ya Biblia ya nyumbani. Julai na Agosti: Broshua zozote zenye kurasa 32 zaweza kutumiwa: Furahia Milele Maisha Duniani!, Je! Kweli Mungu Anatujali? Je! Uamini Utatu?, Mtu Fulani Umpendaye Anapokufa, Ni Nini Hutupata Tunapokufa?, Ni Nini Lililo Kusudi la Uhai—Wewe Waweza Kulipataje?, na Serikali Itakayoleta Paradiso. Broshua Je! Ulimwengu Usio na Vita Utakuwako Wakati Wowote?, Kitabu kwa Ajili ya Watu Wote, Roho za Wafu—Je! Zaweza Kukusaidia au Kukuumiza, Je! Ziko Kweli?, na Our Problems—Who Will Help Us Solve Them? zaweza kutolewa mahali panapofaa. Pia vijitabu Habari Njema Hizi za Ufalme na Roho Zisizoonekana zaweza kutumiwa miezi hii.

◼ Beji za mkusanyiko wa wilaya wa 2000 za Kifaransa, Kiganda, Kiingereza, Kinyarwanda, Kirundi, na Kiswahili zitatiwa ndani ya upakizi wa vichapo wa kutaniko. Haitakuwa lazima kuziomba. Beji zitapakiwa kwa mafungu yaliyo na kadi 25, kulingana na ukubwa wa kila kutaniko. Ikiwa beji za ziada zahitajiwa na makutaniko, zapasa kuagizwa kwenye Fomu ya Kuomba Vitabu (S-14-SW). Vifuko vya beji vya plastiki vyaweza kuombwa kwa ajili ya yeyote kutanikoni anayevitaka.

◼ Mgawo ufuatao wa kutaniko wa eneo lisilogawiwa mtu (Makedonia) umeratibiwa miezi ya Desemba 2000 na Januari 2001. Migawo ya kutaniko itatumwa kwa wakati ufaao. Kampeni ya Painia wa Pekee wa Muda ni kuanzia Desemba 2000 hadi Februari 2001. Mapainia wowote waseja (au waliofunga ndoa wasio na watoto) ambao wangependa kushiriki katika kampeni ya painia wa pekee wa muda wakati huo wapaswa kuandikia ofisi ya tawi kabla ya Septemba 1, 2000.

◼ Sosaiti ina mabuku yaliyojalidiwa ya KIINGEREZA ya Watchtower kuanzia mwaka wa 1951 hadi 1955, 1995, na 1996. Wahubiri wowote au makutaniko mapya yanayotaka vichapo hivi yanaweza kuviomba kupitia mtumishi wa vitabu wa kutaniko.

◼ Kama ilivyotangazwa katika Huduma ya Ufalme Yetu ya Machi 2000, Watchtower Library—1999 Edition kwenye CD-ROM sasa yapatikana kwa lugha tisa. Tafadhali kumbuka kwamba hiki si kifaa cha kuwapa watu wote, kwa maktaba za shule, au kwa wale ambao tu wanaonyesha kupendezwa na Mashahidi wa Yehova. Watchtower Library—1999 ni uandalizi wa washiriki wa kutaniko na yapatikana tu kupitia kutaniko. Hadi diski songamano zitakapopatikana na kutumwa, zitabaki zikiwa “Zitatumwa Zikipatikana” katika orodha za upakizi za kutaniko.

◼ Vichapo Vipya Vinavyopatikana:

Je, Kuna Muumba Anayekujali? —Kichina

Tafsiri ya Ulimwengu Mpya ya Maandiko ya Kigiriki ya Kikristo —Kiarabu