Sanduku La Swali

◼ Je, ni lazima tumtajie mwenye nyumba utayari wetu wa kukubali mchango wa kiasi kwa kazi ya Sosaiti ya ulimwenguni pote kila mara tunapomtembelea?

La. Uamuzi mzuri wahitajiwa kuhusu jambo hilo. Twataka watu wafahamu vizuri sana kwamba kazi yetu ni ya elimu ya Biblia hasa wala si ya kibiashara. Hatuombi-ombi michango. Kwa kawaida ni vizuri kueleza waziwazi jinsi ambavyo kazi yetu inategemezwa kwa michango ya hiari tunapowaachia watu wenye kupendezwa vichapo mara ya kwanza. Tukikumbuka kwamba twawaachia vichapo wale tu wanaoonyesha kupendezwa au wanaoonyesha tamaa ya kusoma vichapo vyetu, basi kwa kawaida jambo hilo litashughulikiwa.

Wengi kati ya hao wenye kupendezwa huchukua hatua ya kutoa michango kwa hiari kwenye ziara zinazofuata. Huenda wengine wakauliza vichapo hivyo ni bei gani. Twaweza kusema kifupi kwamba kazi yetu si ya kibiashara, tukieleza kwamba twatoa vichapo bila malipo kwa watu wenye kupendezwa. Pia wanaweza kujulishwa kwamba wowote wanaotaka kutegemeza kazi ya ulimwenguni pote wanaweza kutoa mchango wa kiasi kwa hiari. Mara kwa mara, ikifaa, twaweza kutaja kuhusu kutegemeza kazi ya ulimwenguni pote ya Sosaiti ikiwa mtu tunayemrudia hatoi mchango.

Twapaswa kukumbuka kwamba hata ingawa twatoa vichapo vyetu kwa watu wenye kupendezwa bila malipo, kuna gharama zinazohusika katika uchapaji na ugawanyaji wa vichapo vyetu. Tuna uhakika kwamba roho ya Mungu itachochea watumishi wake na watu wenye kupendezwa shambani kutoa michango ya hiari ya kulipia gharama za sehemu zote za kazi ya ulimwenguni pote.