Matangazo

◼ Toleo la vichapo la Januari: Kitabu chochote chenye kurasa 192 kilichochapishwa kabla ya 1986 au mwaka huo ambacho huenda kutaniko likawa nacho akibani. Makutaniko ambayo yana kitabu Jitihada ya Ainabinadamu ya Kutafuta Mungu yaweza kukitoa pia. Februari: Life—How Did It Get Here? By Evolution or by Creation?, Ufunuo—Upeo Wao Mtukufu U Karibu!, au kitabu chochote cha zamani chenye kurasa 192 ambacho kutaniko linacho akibani. Machi: Ujuzi Uongozao Kwenye Uhai Udumuo Milele. Jitihada ya pekee itafanywa ili kuanzisha mafunzo ya Biblia ya nyumbani. Aprili: Magazeti ya Mnara wa Mlinzi na Amkeni! Unapopata watu wenye kupendezwa kwenye ziara za kurudia, waweza kutoa maandikisho. Toa kitabu Ujuzi au broshua Anataka, ukiwa na lengo la kuanzisha mafunzo ya Biblia ya nyumbani.

◼ Tafadhali tunawajulisha kwamba Ukumbusho wa mwaka wa 2002 utakuwa Alhamisi, Machi 28, baada ya jua kutua na si Ijumaa, Machi 22, kama inavyoonyeshwa kwenye 2001 Calendar. Taarifa hii ya mapema imetolewa ili akina ndugu waweze kukodi au kufanya maagano ya lazima kwa majumba yanayopatikana mahali ambako kuna makutaniko kadhaa yanayotumia Jumba la Ufalme na inapokuwa lazima kutafuta majengo mengine. Wazee wanapaswa kuwa na mapatano pamoja na wasimamizi wa jengo wakihakikisha kwamba hakutakuwa na usumbufu kutokana na utendaji mwingine katika jengo hilo ili mwadhimisho wa Ukumbusho uweze kuendelea kwa njia ya amani na kwa utaratibu. Kwa sababu ya umuhimu wa tukio hili, baraza la wazee linapompa mgawo msemaji wa Ukumbusho, lapaswa kuteua mmojawapo wa wazee wenye kustahili zaidi badala ya kupokezana zamu tu au kutumia ndugu yuleyule kila mwaka. Isipokuwa tu kuwe na mzee mwenye uwezo aliye mmoja wa watiwa-mafuta anayeweza kutoa hotuba hiyo.

◼ Wahubiri wote waliobatizwa watakaokuwepo kwenye Mkutano wa Utumishi wa juma la Januari 8 watapewa kadi ya Mwelekezo wa Mapema Kuhusu Tiba/Ondoleo la Hatia na Kadi ya Utambulishi kwa ajili ya watoto wao.

◼ Kuanzia Februari, na si baada ya Machi 4, hotuba mpya ya waangalizi wa mzunguko itakuwa “Siku ya Hukumu—Je, Ni Wakati wa Hofu au wa Tumaini?”

◼ Makutaniko yapaswa kufanya mipango ya kuadhimisha Ukumbusho mwaka huu Jumapili, Aprili 8, baada ya jua kushuka. Ingawa hotuba yaweza kuanza mapema, kupitishwa kwa mifano hakupaswi kuanza mpaka jua lishuke. Chunguzeni kutokana na vyanzo vya habari vya kwenu ili mjue jua litashuka wakati gani katika eneo lenu. Kwa kuwa hakuna mikutano mingine itakayofanywa isipokuwa ile ya utumishi wa shambani siku hiyo, marekebisho yanayofaa yapasa kufanywa ili Funzo la Mnara wa Mlinzi lifanywe wakati mwingine. Waangalizi wa mzunguko watahitaji kurekebisha ratiba yao ya mkutano juma hilo kulingana na hali za mahali hapo. Ingawa ni jambo lenye kutamanika kila kutaniko kuwa na mwadhimisho wake wenyewe wa Ukumbusho, huenda hili lisiwezekane sikuzote. Mahali ambapo kwa kawaida makutaniko kadhaa hutumia Jumba moja la Ufalme, labda kutaniko moja au makutaniko zaidi yanaweza kutumia jengo jingine jioni hiyo. Inapowezekana, tungedokeza kuwe na angalau dakika 40 hivi katikati ya vipindi ili wote wanufaike kikamili kutokana na pindi hiyo, na kuruhusu wakati wa kuwasalimu wageni na kutia moyo watu wenye kupendezwa. Hali za msongamano na maegesho ya magari zapasa kufikiriwa, kutia ndani kusafirisha watu. Baraza la wazee lapaswa kuamua ni mipango gani itakayofaa kwenu.

◼ Hotuba ya pekee ya majira ya Ukumbusho ya 2001 itatolewa Jumapili, Aprili 1. Kichwa cha hotuba hiyo kitakuwa “Ni Nani Awezaye Kuokolewa?” Muhtasari utaandaliwa. Makutaniko yatakayokuwa na ziara ya mwangalizi wa mzunguko, kusanyiko la mzunguko, au siku ya kusanyiko la pekee mwisho-juma huo yatakuwa na hotuba hiyo juma la Aprili 9. Hakuna kutaniko linalopaswa kuwa na hotuba ya pekee kabla ya Aprili 1, 2001.

◼ Kuanzia Januari 1, 2001, toleo la Mnara wa Mlinzi litapatikana katika Kikreole cha Shelisheli mara moja kwa mwezi.

◼ Kuanzia toleo la Januari 8, 2001, gazeti la Amkeni! katika Kiurdu litapatikana mara moja kwa mwezi.

◼ Vichapo Vipya Vinavyopatikana:

Wewe Unaweza Kuwa Rafiki ya Mungu! —Kiarabu, Kichina (Sahili), Kiswahili

◼ Kaseti Mpya Zinazopatikana:

Keep Your Eye Simple (Drama, kaseti moja) —Kigujarati, Kihindi