Kikumbusho

Barua ya Oktoba 15, 1998, Kwa Makutaniko Yote, ilieleza matumizi ya kikaratasi cha Tafadhali Fuatia Upendezi (S-43-SW) ili kuwasiliana na mtu anayependezwa. Makutaniko yalitiwa moyo yawe na vikaratasi vya kutosha ili wahubiri wavitumie. Nyakati nyingine ofisi hutumia vikaratasi hivyohivyo vya Tafadhali Fuatia Upendezi kujulisha kutaniko juu ya mtu ambaye huenda aliandikia ofisi akiomba kichapo au funzo la Biblia la nyumbani. Unapaswa kufanya nini ikiwa unapewa kikaratasi cha Tafadhali Fuatia Upendezi ili uwasiliane na mtu ambaye anapendezwa na kweli? Twapaswa kushughulika na jambo hilo kwa uharaka na huruma kwa kumwiga Yesu Kristo. (Soma Mathayo 9:36-38) Twapaswa kufuatia mtu anayependezwa haraka iwezekanavyo tukihakikisha kwamba hatupotezi kikaratasi hicho. Katika sehemu za mashambani ambako hakuna anwani kamili, huenda ikawa vigumu kuwapata watu hao wanaopendezwa. Nyakati nyingine huenda wakapatikana kupitia anwani ya posta ikijulikana. Kwa vyovyote vile, ukipokea kikaratasi cha Tafadhali Fuatia Upendezi tenda bila kukawia. Ikiwa kwa sababu fulani huwezi kufuatia mtu anayependezwa, rudisha mara moja kikaratasi cha Tafadhali Fuatia Upendezi kwa mwangalizi wa utumishi ambaye ataona kama mhubiri mwingine anaweza kumfuatia mtu huyo. Kumekuwa na mambo yaliyoonwa yenye kupendeza ya watu waliokubali kweli baada ya mtu fulani kuchukulia kwa uzito mahubiri ya namna hiyo. Hata tuna ndugu mmoja anayetumikia katika mojawapo ya ofisi zetu ambaye alipatikana kupitia kikaratasi cha Tafadhali Fuatia Upendezi. Kazia mambo makuu ya barua ya Oktoba 15, 1998 kwa Makutaniko Yote kuhusu kikaratasi cha Tafadhali Fuatia Upendezi.