Matangazo

◼ Toleo la vichapo la Januari: Broshua yoyote kati ya broshua zifuatazo zenye kurasa 32 yaweza kutolewa: Furahia Milele Maisha Duniani!, Je! Kweli Mungu Anatujali?, Je! Uamini Utatu?, Jina la Mungu Litakaloendelea Milele, Mtu Fulani Umpendaye Anapokufa, Ni Nini Hutupata Tunapokufa?, Ni Nini Lililo Kusudi la Uhai—Wewe Waweza Kulipataje?, Serikali Itakayoleta Paradiso, na “Tazama! Mimi Ninafanya Vitu Vyote Kuwa Vipya.” Broshua Je! Ulimwengu Usio na Vita Utakuwako Wakati Wowote?, Kitabu kwa Ajili ya Watu Wote, Roho za Wafu—Je! Zaweza Kukusaidia au Kukuumiza? Je! Ziko Kweli?, na Our Problems—Who Will Help Us Solve Them? zaweza kutolewa inapofaa. Februari: Ufunuo—Upeo Wao Mtukufu U Karibu!, Life—How Did It Get Here? By Evolution or by Creation?, au kitabu kingine cha zamani cha kurasa 192 ambacho kutaniko linacho akibani. Machi: Ujuzi Uongozao Kwenye Uhai Udumuo Milele. Jitihada ya pekee itafanywa ili kuanzisha mafunzo ya Biblia ya nyumbani. Aprili: Magazeti ya Mnara wa Mlinzi na Amkeni! Mahali ambapo watu wanapendezwa unapofanya ziara za kurudia, unaweza kutoa maandikisho. Toa broshua Anataka, ukiwa na lengo la kuanzisha mafunzo ya Biblia ya nyumbani.

◼ Wahubiri wote waliobatizwa watakaokuwa kwenye Mkutano wa Utumishi wa juma la Januari 14 wanaweza kupata kadi ya Mwelekezo wa Mapema Kuhusu Tiba/Ondoleo la Hatia na Kadi ya Utambulisho kwa watoto wao.

◼ Kuanzia Februari, na si baada ya Machi 3, hotuba ya watu wote ya waangalizi wa mzunguko itakuwa “Kupata Usalama Katika Ulimwengu Wenye Hatari.”

◼ Kama ilivyotangazwa kwenye kusanyiko la wilaya la mwaka wa 2001, kitabu kipya Faidika na Elimu ya Shule ya Huduma ya Kitheokrasi kitapatikana mwanzoni mwa mwaka wa 2002. Kuanzia Januari 1, 2002, maagizo ya kichapo hicho katika lugha ya Kiingereza yanaweza kufanywa kupitia makutaniko. Kitabu hicho kitaonekana kwenye sehemu ya “Vitatumwa Vikipatikana” hadi upakizi utakapofanywa. Mtatangaziwa kitakapopatikana katika lugha nyingine.

◼ Makutaniko yapaswa kufanya mipango ya kuadhimisha Ukumbusho mwaka huu Alhamisi, Machi 28, baada ya jua kushuka. Ingawa hotuba yaweza kuanza mapema, kupitishwa kwa mifano hakupaswi kuanza mpaka jua lishuke. Chunguzeni kutokana na vyanzo vya habari vya kwenu ili mjue wakati ambapo jua litashuka katika eneo lenu. Ingawa ingefaa kila kutaniko liwe na mwadhimisho wake wenyewe wa Ukumbusho, huenda isiwezekane sikuzote. Mahali ambapo kwa kawaida makutaniko kadhaa hutumia Jumba moja la Ufalme, labda kutaniko moja au makutaniko zaidi yanaweza kutumia jengo jingine jioni hiyo. Inapowezekana, tungedokeza kuwe na angalau dakika 40 hivi katikati ya vipindi ili wote wanufaike kikamili na pindi hiyo, na kuruhusu wakati wa kuwasalimu wageni na kutia moyo watu wenye kupendezwa. Hali za msongamano na maegesho ya magari zapasa kufikiriwa, kutia ndani kusafirisha watu. Baraza la wazee lapaswa kuamua ni mipango gani itakayofaa kutaniko lenu.

◼ Watafiti na watu wengine wamewafikia ndugu kadhaa, wakitafuta habari kuhusu Mashahidi wa Yehova na tengenezo letu. Wameomba akina ndugu wajaze fomu za utafiti, na kujibu maswali yanayohusiana na imani na mafundisho yetu. Watu kama hao wakimfikia mhubiri wa kutaniko, anapaswa kuwapa jina la mwangalizi-msimamizi. Wazee wanaweza kushughulikia maswali kama hayo na kutoa majibu yanayofaa kulingana na barua ya Aprili 25, 2001 iliyoandikiwa mabaraza yote ya wazee.

◼ Mwangalizi-msimamizi anapopokea Statement ya kila mwezi, anapaswa kuhakikisha kwamba barua ya kutoa shukrani kwa ajili ya michango ya Hazina ya Sosaiti ya Jumba la Ufalme na kazi ya ulimwenguni pote inasomwa kutanikoni pamoja na ripoti ya hesabu itakayofuata.

◼ Magazeti ya Amkeni! ya Kichina na Kichina Sahili yataacha kuchapishwa mara mbili kwa mwezi, yawe yakichapishwa mara moja kwa mwezi.

◼ Vichapo Vipya Vinavyopatikana:

Unabii wa Isaya—Nuru kwa Wanadamu Wote 1—Chapa Kubwa —Kichina Sahili (Pinyin), Kifaransa

New World Translation of the Holy Scriptures —Kichina, Kichina (Sahili)

◼ Video Mpya Zinazopatikana:

Yule Mtu Mkuu Zaidi Aliyepata Kuishi, Sehemu ya 4 —Lugha ya Ishara ya Kimarekani