Matangazo
◼ Januari: Kitabu chochote kilicho na kurasa 192 chenye karatasi inayobadilika rangi na kuwa manjano, au kitabu chochote kilichochapishwa kabla ya 1990 chaweza kutolewa, na pia Tafsiri ya Ulimwengu Mpya ya Maandiko ya Kigiriki ya Kikristo. Makutaniko ambayo hayana vitabu hivyo vya zamani yanaweza kutoa kitabu Jitihada ya Ainabinadamu ya Kutafuta Mungu. Februari: Kitabu Mkaribie Yehova kitatolewa. Machi: Toa broshua Endeleeni Kukesha. Ikiwa mtu anapendezwa kikweli, mwonyeshe kitabu Ujuzi ukiwa na kusudi la kuanzisha funzo la Biblia. Aprili na Mei: Toa gazeti la Mnara wa Mlinzi na Amkeni! Unapowarudia watu wanaopendezwa, kutia ndani wale ambao huhudhuria Ukumbusho au matukio mengine ya kiroho lakini ambao hawahudhurii mikutano ya kutaniko, jitahidi kutoa kitabu Mwabudu Mungu. Lengo linapaswa kuwa kuanzisha funzo la Biblia, hasa pamoja na wale ambao tayari wamejifunza kitabu Ujuzi na broshua Anataka.
◼ Kuanzia Februari, na si baada ya Machi 6, kichwa cha hotuba mpya ya watu wote ya waangalizi wa mzunguko kitakuwa, “Tenda kwa Hekima Katika Ulimwengu Usio na Hekima.”
◼ Makutaniko yanapaswa kufanya mipango inayofaa ya kuadhimisha Ukumbusho mwaka huu siku ya Alhamisi, Machi 24, baada ya jua kushuka. Ingawa hotuba inaweza kuanza mapema, mkate na divai hazipaswi kupitishwa kabla ya jua kushuka. Chunguzeni mpate kujua wakati ambapo jua litashuka katika eneo lenu siku hiyo. Ni afadhali kila kutaniko lifanye Ukumbusho wake. Hata hivyo, huenda hilo lisiwezekane. Mahali ambapo kwa kawaida makutaniko kadhaa hutumia Jumba moja la Ufalme, labda kutaniko moja au makutaniko zaidi yanaweza kukutanika mahali pengine jioni hiyo. Ikiwezekana, tunapendekeza kuwe na muda wa angalau dakika 40 kati ya programu ili wote wafaidike kikamili na pindi hiyo. Tafadhali hakikisheni kwamba hakuna msongamano wa magari yanayoingia na kutoka. Pia, hakikisheni kuna mahali pa kuegesha magari, na pa kushusha na kubeba abiria. Baraza la wazee linapaswa kuamua mipango inayofaa kwenu.
◼ Maagizo ya jinsi ya kushughulikia DVD yenye drama David—He Trusted in God kwenye Mkutano wa Utumishi, yatapatikana katika Huduma Yetu ya Ufalme ya Machi. Drama hiyo itapatikana tu kwenye DVD yenye kichwa Noah Walked With God—David Trusted in God. Unaweza kuchagua mojawapo ya lugha nane kwenye DVD hiyo, yaani, Kifaransa, Kihispania, Kiingereza, Kiitaliano, Kijapani, Kijerumani, Kireno (cha Brazili), na Kirusi. DVD hiyo inaweza kuagizwa kutaniko litakapoagiza vichapo wakati ujao.
◼ Tunatoa maelezo zaidi juu ya jinsi ya kuijaza vizuri fomu ya Ombi la Vikaratasi vya Ukaribishaji (S-AB-16-SW). Tafadhali tumia fomu ya hivi karibuni ya tarehe 6/01, au ya karibuni zaidi. Chini ya sehemu inayosema, “Jina la Mahali pa Mkutano,” kuna visanduku viwili. Ikiwa mikutano inafanywa kwenye Jumba la Ufalme, tafadhali tia alama ndani ya kisanduku cha kwanza. Ikiwa inafanywa katika shule fulani au jengo lingine, tafadhali tia alama ndani ya kisanduku cha pili, kisha uandike jina la shule au jengo lile. Hatuchapishi Vikaratasi vya Ukaribishaji kwa ajili ya makutaniko yasiyo na jumba linalofaa la kukutania. Kisha kuna sehemu inayoonyesha “Anwani ya Barabara.” Kusudi la sehemu hii ni kuelekeza watu wanaopendezwa kwenye Jumba la Ufalme au mahali pengine mnapokutanika, kwa hiyo, tafadhali msiandike anwani yenu ya posta. Ikiwa anwani ya barabara haitasaidia, mnaweza kuandika jina la eneo lenyewe.