Matangazo

◼ Februari: Tutatoa kitabu Mkaribie Yehova. Makutaniko ambayo hayana kitabu hiki yanaweza kutoa kitabu kingine cha zamani kinachopatikana kutanikoni. Tafsiri ya Ulimwengu Mpya ya Maandiko ya Kigiriki ya Kikristo inaweza kutolewa pia. Machi: Tutatoa kitabu kipya Biblia Inafundisha Nini Hasa? Tutajitahidi kuanzisha mafunzo ya Biblia. Aprili na Mei: Tutatoa magazeti ya Mnara wa Mlinzi na Amkeni! Tunapowarudia watu waliopendezwa, kutia ndani wale ambao huhudhuria ukumbusho na/au mikutano mingine ya pekee lakini hawashirikiani sana na kutaniko, tutawatolea hasa kile kitabu kipya Biblia Inafundisha Nini Hasa? Tunapaswa kuwa na lengo la kuanzisha funzo la Biblia tukitumia kitabu hicho.

◼ Kwa kuwa mwezi wa Aprili una miisho-juma mitano, huo ni mwezi mzuri sana wa kufanya upainia msaidizi.

◼ Kichwa cha hotuba ya pekee ya majira ya Ukumbusho ni, “Je, Bado Mungu Ana Mamlaka Juu ya Dunia?” Ona tangazo linalohusiana na hili katika Huduma Yetu ya Ufalme ya Septemba 2005.

◼ Makala iliyo kwenye ukurasa wa 6 yenye kichwa “Kujifunza Kitabu Biblia Inafundisha Nini Hasa?” itazungumziwa kwenye Mkutano wa Utumishi juma la Aprili 3. Tafadhali weka makala hiyo vizuri pamoja na ratiba ya funzo.

◼ Mwangalizi-msimamizi au ndugu fulani aliyeteuliwa naye anapaswa kukagua hesabu za kutaniko mnamo Machi 1, au upesi iwezekanavyo baada ya tarehe hiyo. Ikiwa kuna akaunti nyingine ya benki, kama vile akaunti ya ujenzi au ya udumishaji wa Jumba la Ufalme, mipango inapaswa kufanywa ili kuzikagua. Ukaguzi ukikamilishwa, kutaniko linapaswa kutangaziwa ripoti ya ukaguzi pamoja na ripoti ya hesabu itakayofuata.

◼ Mwandishi na mwangalizi wa utumishi wanapaswa kupitia utendaji wa mapainia wote wa kawaida. Ikiwa kuna wowote wanaoshindwa kutimiza takwa la saa, wazee wanapaswa kupanga kuwasaidia. Madokezo yanapatikana katika barua za kila mwaka za S-201.