Matangazo

◼ Toleo la mwezi wa Januari: Biblia Inafundisha Nini Hasa? Ikiwa tayari wenye nyumba wana kitabu hicho, wahubiri wanaweza kuwatolea kitabu chochote cha kurasa 192 chenye karatasi zinazochujuka au kitabu chochote kilichochapishwa kabla ya mwaka wa 1992. Februari: Toa kitabu kimoja kati ya vifuatavyo ikiwa vinapatikana, Biblia—Neno la Mungu au la Binadamu?, Je, Kuna Muumba Anayekujali?, au Siri ya Kupata Furaha ya Familia. Machi: Toa kitabu Biblia Inafundisha Nini Hasa? Jitahidi sana kuanzisha mafunzo ya Biblia. Aprili na Mei: Toa magazeti ya Mnara wa Mlinzi na Amkeni! Unapowarudia watu wenye kupendezwa, kutia ndani wale wanaohudhuria Ukumbusho na/au matukio mengine ya kitheokrasi, lakini hawashirikiani sana na kutaniko, zingatia kuwaachia kitabu Biblia Inafundisha Nini Hasa? Lengo la ziara hizo linapaswa kuwa kuanzisha funzo la Biblia kwa kutumia kitabu hicho.

◼ Kuanzia juma la kwanza la Machi, waangalizi wa mzunguko watatoa hotuba ya watu wote yenye kichwa “Kataa Kabisa Ndoto za Ulimwengu, Fuatilia Mambo Halisi ya Ufalme.”

◼ Makutaniko yanapaswa kufanya mipango inayofaa ya kuadhimisha Ukumbusho wa mwaka huu siku ya Alhamisi, Aprili 9, baada ya jua kushuka. Kila kutaniko linapaswa kujitahidi kuadhimisha Ukumbusho likiwa peke yake. Mahali ambapo kwa kawaida makutaniko kadhaa hutumia Jumba moja la Ufalme, kutaniko moja linaweza kutumia Jumba la Ufalme na yale mengine yanaweza kukutanika mahali pengine jioni hiyo. Ikiwa makutaniko kadhaa yatatumia jumba moja, ikiwezekana tunapendekeza kuwe na muda wa angalau dakika 40 kati ya programu ili wote wafaidike kikamili na ushirika baada ya Ukumbusho.