Mungu na Kristo Watatuletea Uhuru Wakati Ujao

Unakabili changamoto gani kila siku? Je, wewe ni kichwa cha familia uliye na majukumu mengi? Je, wewe ni mzazi unayewalea watoto ukiwa peke yako huku ukijitahidi kuwaandalia riziki? Je, wewe ni kijana unayevumilia dhihaka kutoka kwa wanafunzi wenzako shuleni? Je, unasumbuliwa na matatizo ya afya au madhara yanayotokana na kuzeeka? Kila mtu anakabili changamoto fulani. Wakristo wengi wanakabili majaribu mbalimbali kwa wakati mmoja. Hata hivyo, tunajua kwamba hivi karibuni tutawekwa huru kutokana na matatizo hayo yote.—2Ko 4:16-18.

Hadi wakati huo tunafarijika kujua kwamba Yehova anajua changamoto tunazokabili, anathamini ushikamanifu na uvumilivu wetu, na ametuahidi baraka nyingi wakati ujao. (Yer 29:11, 12) Yesu pia anapendezwa na kila mmoja wetu. Tunapotimiza wajibu wetu wa Kikristo, Yesu anatuhakikishia hivi: “Mimi nipo pamoja nanyi.” (Mt 28:20) Tunapotua na kutafakari uhuru tutakaopata wakati ujao chini ya Ufalme wa Mungu, tunaimarisha tumaini na azimio letu la kuvumilia majaribu tunayokabili.—Ro 8:19-21.

TAZAMENI VIDEO YENYE KICHWA KADIRI DHORUBA INAVYOZIDI KUKARIBIA, ENDELEA KUMTAZAMA YESU KWA MAKINI!​—BARAKA ZA WAKATI UJAO, KISHA MJIBU MASWALI YAFUATAYO:

• Wanadamu walitenganishwaje na Mungu, na kulikuwa na matokeo gani?

• Watumishi waaminifu wa Yehova watafurahia nini wakati ujao?

• Ni nini kilichofanya iwezekane kuwa na wakati huo ujao wenye kupendeza?

• Unatazamia kujionea baraka zipi katika ulimwengu mpya?