Uwe Na Upendo

Tatizo

Hisia za ubaguzi haziishi haraka. Inachukua muda mrefu kuangamiza virusi vinavyosababisha magonjwa. Vivyo hivyo, inachukua muda mrefu kuondoa kabisa hisia za ubaguzi. Unaweza kufanya nini ili kuondoa hisia za ubaguzi moyoni mwako?

Kanuni ya Biblia

“Jivikeni upendo, kwa maana huo ni kifungo kikamilifu cha muungano.”​—WAKOLOSAI 3:14.

Kanuni hiyo inamaanisha nini? Kuwatendea wengine mema hutusaidia tuwe na umoja. Kadiri unavyowaonyesha wengine upendo, ndivyo hisia za ubaguzi zinavyozidi kupungua. Na kadiri unavyositawisha upendo zaidi, ndivyo unavyozidi kuondoa hisia za chuki.

Mambo Unayoweza Kufanya

Fikiria njia hususa ambazo unaweza kuwaonyesha upendo watu ambao una maoni yasiyofaa kuwahusu. Si lazima ufanye mambo makubwa. Jaribu kufanya jambo moja au zaidi kati ya haya:

• Waonyeshe heshima kwa kuwaelekeza njia ikiwa wamepotea au kwa kuwapisha waketi sehemu yako unapotumia usafiri wa umma.

• Jaribu kuzungumza nao hata ikiwa hawazungumzi lugha yako vizuri.

• Uwe na subira wanapofanya mambo kwa njia ambayo huielewi.

• Sikiliza kwa huruma wanapokueleza matatizo yao.