Watchtower MAKTABA KWENYE MTANDAO
Watchtower
MAKTABA KWENYE MTANDAO
Kiswahili
  • BIBLIA
  • MACHAPISHO
  • MIKUTANO
  • rk seh. ya 2 kur. 4-5
  • Imani ya Kweli Ni Nini?

Hakuna video yoyote kwa sasa.

Samahani, haikuwezekana kupakia video.

  • Imani ya Kweli Ni Nini?
  • Imani ya Kweli—Siri ya Kuwa na Maisha Yenye Furaha
  • Vichwa vidogo
  • Habari Zinazolingana
  • Unaweza kusitawisha Imani ya Kweli Jinsi Gani?
  • Onyesha Imani Yako Katika Ahadi za Yehova
    Mnara wa Mlinzi Unaotangaza Ufalme wa Yehova (Funzo)—2016
  • Imani—Sifa Inayotuimarisha
    Mnara wa Mlinzi Unaotangaza Ufalme wa Yehova (Funzo)—2019
  • “Tupe Imani Zaidi”
    Mnara wa Mlinzi Unaotangaza Ufalme wa Yehova—2015
  • Kuonyesha Imani ya Kweli Leo
    Imani ya Kweli—Siri ya Kuwa na Maisha Yenye Furaha
Pata Habari Zaidi
Imani ya Kweli—Siri ya Kuwa na Maisha Yenye Furaha
rk seh. ya 2 kur. 4-5

SEHEMU YA 2

Imani ya Kweli Ni Nini?

Mwanamume anangalia pesa

Kama pesa, lazima imani iwe ya kweli ili iwe yenye thamani

KUWA na imani ya kweli kunahusisha mengi kuliko kuamini tu kwamba kuna Mungu. Kuna mamilioni ya watu wanaoamini kuna Mungu lakini wanatenda maovu kimakusudi. “Imani” ya aina hiyo ni kama pesa bandia. Inaonekana kuwa halisi lakini kwa kweli haina thamani. Hivyo basi, imani ya kweli ni nini?

Imani ya kweli inategemea ujuzi sahihi wa Maandiko Matakatifu. Maandishi hayo yaliyoongozwa na roho hutuambia ukweli kumhusu Mungu nayo hutuwezesha kumjua. Yanafunua sheria zake, makusudi yake, na mafundisho yake. Mafundisho hayo yanatia ndani:

  • Mungu ni mmoja. Hakuna aliye sawa naye.

  • Yesu si Mungu Mweza-Yote. Yeye ni nabii wa Mungu.

  • Mungu hushutumu ibada ya sanamu ya kila aina.

  • Wanadamu wanakabili siku ya hukumu.

  • Wanadamu wengi wasio na hesabu watafufuliwa waishi katika Paradiso.

Imani ya kweli hutuchochea kutenda mema. Matendo ya aina hiyo humtukuza Mungu na pia hutunufaisha na kuwanufaisha wengine. Matendo hayo mema hutia ndani mambo kama vile

  • kumwabudu Mungu.

  • kusitawisha sifa zinazokubaliwa na Mungu—hasa upendo.

  • kukataa mawazo na tamaa mbaya.

  • kudumisha imani katika Mungu licha ya majaribu.

  • kuwafundisha wengine kuhusu Mungu.

Familia imempelekea chakula mwanamke mzee

Imani ya kweli hutokeza matendo mema

Unaweza kusitawisha Imani ya Kweli Jinsi Gani?

Mwanamume anafanya mazoezi ili kuimarisha misuli

Imani ni kama msuli, huwa na nguvu unapotumiwa

Mwombe Mungu akusaidie. Nabii Musa alisali kwa Mungu: “Nijulishe, tafadhali, njia zako, nipate kukujua, ili nipate kibali machoni pako.”a Mungu alisikia na kujibu sala yake. Musa alikuwa mfano mzuri wa mtu mwenye imani. Mungu atakusaidia wewe pia usitawishe imani ya kweli.

Tenga wakati wa kujifunza Maandiko Matakatifu. Maandiko yaliyoongozwa na roho ya Mungu, kutia ndani Taurati, Zaburi, na Injili, yanaweza kupatikana katika Biblia Takatifu, kitabu ambacho kimetafsiriwa na kusambazwa zaidi ulimwenguni. Je, una nakala ya maandishi hayo yaliyoongozwa na roho?

Tumia shauri la Maandishi Matakatifu katika maisha yako ya kila siku. Imani ni kama msuli, huwa na nguvu unapotumiwa. Unapotenda kulingana na imani, inakuwa na nguvu pia. Utajionea mwenyewe kwamba shauri la Mungu linafanya kazi. Bila shaka, mashauri yaliyo katika Maandiko Matakatifu yameboresha maisha ya watu wengi. Endelea kusoma ili uone mifano kadhaa.

a Kutoka 33:13.

Ungejibu Namna Gani?

  • Imani ya kweli inategemea nini?

  • Imani ya kweli huwachochea watu kuwa na matendo gani mema?

  • Unaweza kusitawisha imani ya kweli jinsi gani?

Mungu Hulinda Neno Lake

Tunaweza kuwa na hakika kwamba Mungu ameyahifadhi Maandiko Matakatifu yakiwa safi kwa ajili yetu leo. Mungu Mweza-Yote anaweza kukilinda kitabu chake. Neno lake linasema: “Majani mabichi yamekauka, ua limenyauka; lakini kwa habari ya neno la Mungu wetu, litadumu mpaka wakati usio na kipimo.”—Isaya 40:8.

    Maktaba Kwenye Mtandao (1980-2025)
    Toka
    Ingia
    • Kiswahili
    • Shiriki
    • Mapendezi
    • Copyright © 2025 Watch Tower Bible and Tract Society of Pennsylvania
    • Masharti ya Utumiaji
    • Sera ya Faragha
    • Mpangilio wa Faragha
    • JW.ORG
    • Ingia
    Shiriki