SOMO LA 1

Utangulizi Wenye Matokeo

Matendo 17:22

MUHTASARI: Utangulizi wako unapaswa kuchochea upendezi, kutambulisha habari yako, na kuwaonyesha wasikilizaji wako kwa nini wapendezwe na habari yako.

JINSI YA KUFANYA HIVYO:

Chochea upendezi. Chagua swali, jambo halisi, taarifa fulani ya habari, au useme chochote kingine ambacho kitawapendeza wasikilizaji wako.

Fikiria mapema kuhusu mapendezi ya wasikilizaji wako na mambo yanayowahangaisha, kisha utayarishe utangulizi wako kupatana na mapendezi hayo.
Taja kihususa habari utakayozungumzia. Hakikisha kwamba utangulizi wako unawaonyesha wazi wasikilizaji wako habari na kusudi la ujumbe unaotaka kuwaeleza.
Onyesha kwa nini habari hiyo ni muhimu. Hakikisha mambo unayosema yanafaa hali za wasikilizaji wako. Wanapaswa kuelewa waziwazi jinsi habari hiyo inavyowahusu wao binafsi.

Unapotayarisha hotuba, jiulize, ‘Ndugu na dada katika kutaniko langu wanakabili hali zipi?’ Kisha hakikisha utangulizi wako unapatana na mahitaji yao.