SOMO LA 18

Kuwaelimisha Wasikilizaji

1 Wakorintho 9:19-23

MUHTASARI: Wachochee wasikilizaji wako wafikiri, wabaki wakihisi kwamba wamejifunza jambo muhimu.

Zingatia kile ambacho wasikilizaji tayari wanajua. Badala ya kurudia mambo ambayo wanajua, wasaidie waione habari hiyo kwa njia mpya.

Zungumzia habari wanazojua haraka, lakini upunguze mwendo unapozungumzia habari mpya.
Fanya utafiti na utafakari. Ikiwezekana, tia ndani habari zisizojulikana sana au matukio ya karibuni kufafanua mawazo makuu. Fikiria kwa kina kuhusu habari utakayotoa na uhusiano kati ya habari hiyo na mambo hakika unayotaka kutaja.

Unapochunguza habari hiyo, chochea uwezo wako wa kufikiri kwa kuuliza maswali kama vile ‘nini, kwa nini, lini, wapi, nani, na jinsi gani.’ Fanya ufundishaji wako uwe wenye kuchochea kwa kuuliza na kujibu baadhi ya maswali hayo muda wote wa hotuba yako.
Onyesha umuhimu wa ujumbe wako. Eleza jinsi habari za Kimaandiko zinavyoweza kuwasaidia wasikilizaji katika maisha yao ya kila siku. Zungumzia hali hususa, mitazamo, na matendo yanayofaana na wasikilizaji wako.