Je! Wewe Una Hamu Sana Kuuona Wakati Ambapo . . .

◻ wewe waweza kuhisi salama salimini katika nyumba yako—hata uwe ni wakati gani wa siku?

◻ hakutakuwa na uhitaji wa kufuli, makomeo, ving’ora, vitundu vya kuchungulia mlangoni, nyua za kuzungukia nyumba, walinzi, mbwa walinzi, na vilinda-usalama vinginevyo?

◻ waweza kutembea barabarani ukiwa peke yako katika usalama kamili, hata usiku?

◻ dawa za kulevya zenye kudhuru na matatizo yote yenye kuhusiana nazo yatakuwa kumbukumbu la zamani za kale?

◻ vita vyote vitakuwa vimekoma, na silaha zisifanyizwe wala zisirundikwe?

◻ hutalazimika tena kuwa na wasiwasi juu ya chakula, hewa na maji yaliyochafuzwa?

◻ ugaidi, kutekwa kwa watu nyara, na vitisho vya makombora vitaondolewa kabisa?

◻ mali za asili za dunia zitalindwa, zidumishwe, na kutumiwa kwa hekima kwa manufaa ya wote?

◻ pupa na ubinafsi hazitakuwa tena kani zenye kusukuma ainabinadamu?

◻ watoto watakapodumisha hali yao isiyo na hatia na kuwa wastahifu kwa wengine na mali zao?

◻ wanawake hawataonewa na kuchukuliwa kama wahanga wa kutendwa yasiyofaa?

◻ sheria na virekebi vitakapokuwa vya haki na kutekelezwa kwa haki kwa manufaa ya wote?

◻ serikali itakafanya maamuzi kwa msingi wa mahitaji halisi wala si kwa msingi wa siasa?

◻ uhuru na usawa hautakuwa ukihubiriwa tu bali pia ukizoewa?

◻ umaskini hautakuwako tena, bali wote watakuwa na vyote vyenye kuhitajiwa kwa afya, hali njema, na furaha yao?

◻ watoto watatakiwa na kutunzwa na wasitumiwe tena vibaya wala kuachwa peke yao?

◻ magonjwa na kifo vitakuwa vimewezwa kabisa, na kusiwe na tauni za kutisha?

◻ kila mtu ukutanaye naye atakuwa mwenye fadhili, mwenye kusaidia, na mwenye kutumainika?

◻ uhai wa kila mtu utathaminiwa kikweli, na wote waweze kupata furaha ya kudumu?

◻ dini haitakuwa tena kani ya migawanyiko, yenye kuongoza kwenye ushupavu, chuki, na vita?

◻ wote watakuwa na makao ya kutosha yenye kupendeza, na ukosefu wa nyumba uwe jambo la zamani?

Ikiwa waweza kusema ndiyo kwa lolote la hayo yaliyo juu, utapendezwa kusoma makala zifuatazo.