Zungumzia Jambo Moja, Lakini Mwachie Magazeti Mawili

Magazeti yote mawili yana habari mbalimbali zinazopendeza. Badala ya kujaribu kuzungumzia mambo mengi kwa wakati mmoja katika kila nyumba, kwa kawaida ni vizuri zaidi kuzungumzia jambo moja tu. Ikiwa tuna utambuzi na tunafahamu habari zilizo kwenye magazeti yetu, tunaweza kuchagua habari fulani kutoka katika Mnara wa Mlinzi au Amkeni! ambayo itawavutia wenye nyumba. Kwa mfano, tukiona vitu vya watoto vya kuchezea ndani au nje ya nyumba, huenda tukaamua kuzungumzia makala kuhusu familia. Ikiwa tunampata mwanamume nyumbani, tunaweza kuamua kuzungumzia jambo linalowavutia wanaume wengi, kama vile kuwa na serikali nzuri. Ingawa huenda tukazungumzia jambo moja tu, kwa kawaida tunapaswa kumwachia mwenye nyumba magazeti yote mawili ikiwa anapendezwa.